مساء النور على كل زائر و عضو بهاد المنتدى الرائع
الحقيقة اني اليوم جيت نوفي بعهدي لاني في العيد الفطر حطيت صور الحلوى
الي عملتها و وعدتكم اني راح نحط الطريقة تاعهم و لكن كنت مشغولة و نسيت و
اليوم تذكرت وعدي و جيت نوفيه وهاد نزولا لطلب الكثير منكم على طريتقها .
اكيد كاين كثير منكم اللي راح يذكر هاد الصور
les roses de sables هي الحلوى اللي على شكل وردة
المقادير:
12 ورقة ديول اي بريك (دزينة)
200غ لوز غير مقشر و مرحي لكن مو كثير
200غ جوز الهند
200غ سكر بودرة
ملعقة صغيرة فانيليا
ملعقة صغيرة مبشور الليمون
4 الى 5 حبات بيض حسب الحجم
و قوالب الدزيريات
الطريقة:
نضع 6 ورقات ديول الواحدة فوق الاخرى ثم نقطع دوائر مقاس قطر الدائرة 9 سم ، و 8 سم و 8 الى 10 دوائر مقاس 4 سم و تتركهم جانبا دون ان ننسى ان نغطيهم حتى ما ينشفوش.
من جهة ثانية نحضر الحشو و هي بخلط كل المقادير السابق ذكرها.
ندهن القوالب الصغيرة باي دهن.
ناخذ الدائرة 9سم و نضعها في القالب و نلصقها بجوانب القالب ثم ندهنه مرة ثانية و نضيف دائرة 8 سم فوقها ثم نضيف الحشو 4/3 القالب .
ناخذ الدائرة 4 سم و نطويها على اثنين ثم على 4 ثم على 6 و نضع من الجهة الحادة في الحشو و نفعل نفس الشيء 9 الدوائر الباقية اللي رقمها 4 سم و نحطهم الوحدة امام الثانية حتى تتشكل لنا وردة رائعة.
نضعها في الفرن متوسط الحرارة لمدة 15 الى20 د الى ان تحمر .
لما تبرد شوي نحيها من القوالب م نعسلها .
و بالصحة و العافية
قريبا انشاء الله نزل بقية الحلوى لاني ما نقدرش نبقى بزاف في الكرسي لاني حامل و ادعولي ربي يكملي و يعطيني الذرية الصالحة انشاء الله.
الروابط المفضلة