✿*وصفة متميزة*✿ ***كيكه خفيقه وتنفع للرجيم...من مطبخى بالصــــور***
ازيكو يا صحباتى
جايبالكو كيكه خفيفه جميله شيك
وتنفع للمناسبات
عملتها النهارده مع انى قررت امنع الحلو
بس كان لازم لان عندى مناسبه جميله
فقلت افكر فى كيكه تكون خفيفه وسعراتها قليله
وعملت كيكه اسفنجيه
*المقادير*
كوب دقيق
كوب الاربع سكر بودره
ملعقه وربه صغيره باكينج باودر
ملعقتين فانيليا سائله بالفراوله (طعم الكيك كان جميل جدا )
5 بيضات
*الطريقه*
ضربت البيض مع الفانيليا وأضفت السكر وضربتهم
على جمب نخلت الدقيق مع الباكينج باودروضفت عليهم السائل وقلبتهم تقليب خفيف
وضعتهم فى الصنيه وعلى الفرن الحامى وتركتها حوالى نص ساعه فتحت الفرن واختبرت الكيكه وتركتها فى الفرن وسبته مفتوح شويه علشان ما تتهواش
الخطوه دى قالتلهالى ام هيا اصلها بتخاف على الكيه لتاخد برد
وشكرا ليكى يا قمر لانى اول مره اعمل كيكه اسفنجيه وتنجح معايا كده وتكون اسفنجيه بجد وطعمه جميل
وده شكل الكيكه بعد ما خرجت من الفرن طبعا هى مش هبطانه بس اخدت شكل القالب
لكن لو كنت عملتها فى صينيه عاديه كان حيبان ارتفاعها
الخطوه اللى بعد كده كنت عايزه ازوقها تزويق خفيف ويكون شكله جميل وبدون سعرات زياده
عملت الصوص عباره عن
جبنه كيرى وشوية لبن مع بودرة دريم ويب حوالى ملعقتين كبار وضربتهم كويس وزينت الكيكه
فى الوسط زوقت الفراغ بكريمه وفرولايه
وده شكل الكيكه بعد التزيين
زهقتو ولا لسه
دى صوره للكيكه بعد التقطيع
وان شاء الله تعجبكم
وبعد ما عملت الكيكه وصلتنى كيكه تانيه من انسان عزيز
واتفاجأت وزعلت فى نفس الوقت لان كده الرجيم حيبوووووظ
يلا اتفرجو وخدو افكار جديده للتزيين
رد مع الاستدلال
كتبت بواسطة ام هيا وحارث
الروابط المفضلة