بسم الله الرحمن الرحيم
بعد السلام عليكن ورحمة الله
اسمحوا لي حبيباتي ان اعلن من خلال الموضوع ده عن حبي واعتزازي وتقديري وخالص الشكر لكن جميعا بصراحةالكلمات اقل بكتير مما اكنه في قلبي
اتمني لو بايدي شئ اكثر من ذلك لاعبر عن مدي حبي لكن فانتوا تستحقوا الكثير
مش عارفة اشكركن علي اية و لا اية
انتوا مش بس اضفتوا لي وصفات جميلة وخبرات
وتشجيع وكرم زائد
انتوا اضفتوا كمان لحياتي اضفتوا لي
الصحبة واللمة اللي افتقدها هنا يا ريتني سجلت معكن من زمان
مع اني كنت اتردد علي الموقع وسبحان الله
ما كونتش برتاح او اطبق وصفة الا من المنتدي ده
حكاية عشقي له من زماااااااااااااااان
لقيت فيكن الجارة اللي اصبح عليها الصبح وتصبح عليا لقيت الصديقة اللي لما اسالها تجاوبني
لقيت الكلمة الحلوة وخفة الدم
والصدق والصداقة
فمن هنا اشكر كل واحدة شجعتني بكلمة حلوة
وكل من ساعدتني وما اتاخرتش عليا في الاجابة
من هنا باعلن من كل قلبي اني باحبكن في الله
وانتوا ضيوفي كل يوم بتنوروني
كنت ناوية انزل الموضوع من فترة
وبالامس فوجئت باللقب الجديد
وكنت في منتهي السعادة
قلت يبقي الموضوع انزله في وقته احتفل به معاكن
واشكركن علي السعادة اللي منحتوها لي
انا اسفة طولت عليكن بس اللي في القلب
لا يكفيه الكلام
اتمني دايما اكون ضيفة خفيفة عليكن
ولان الشيكولاتة خير تعبير عن الحب
وهدية الاحباب اهديك اليوم
تارت الشكولاتة
وكوكيز الشيكولاتة
اتفضلوا
المقادير
8 اونصة شكيولاتة عالية الجودة
نصف كوب قهوة اسبريسو انا استبدلتها بالنسكافية
8 اونصة حوالي نصف كوب زبدة غير مملحة مقطعة صغيرا
كوب الا ربع سكر 4 بيضات
الطريقة 
يسخن الفرن علي 350
نجهز صينية ذات القاعدة المتحركة نغطيها بالفويل من اسفل وعند الجوانب
لنتفادي اي تسرب لا قدر الله
نضع الشيكولاتة علي حمام مائي ثم نضع القهوة وننتظرحتي تسيح
ونحركهم ونضيف الزبدة علي مراحل ونحركهم الي ان يمتزج الخليط
ويصبح لامعا
نضيف السكر ونخفقهم جيدا ونتركهم دقيقتين علي الحمام المائي
نخفق البيض جيدا علي حدة في وعاء بمضرب السلك
ونضيفه علي خليط الشيكولاتة
اتمني يكون عجبكن والوصفة لا تحتوي علي دقيق فقط تحسي بالشكولاتة تدووووووووووب في الفم
الكوكيز
دي طريقتي المعتمدة اتمني تعجبكن
المقادير
كوب الا ربع زبدة انا استخدمت نصف كوب ما رجرين وربع شورتينينج نباتي اعطي نتيجة ممتازة الكوكيز بتتفرد كويس ومسطحة لما جربته
كوب سكر بني غامق +ربع سكر ابيض لكن انا استغنيت عنه
بيضة \ 2 م ص فانيللا\ذرة ملح
2 كوب دقيق +2 م ص نشا+م ص بيكنج صودا
وممكن الاستغناء عن النشا ونستخدم بيكنج بودر لو عايزينها مقرمشة او ناشفة
شكيولاتة هيرشي او شكيولاتة مقطعة
الطريقة
نخفق الزبد والسكر بالمضرب وبعدين البيضة والفانيللا
ثم نضيف المكونات الجافة بالتدريج ونخلطهم بملعقة خشب
وبعدين نضيف الشيكولاتة
وبعدين نشكلهم بواسطة ملعقة طعام ونرصهم في صينية
ونضغط عليها عشان تتفرد والصينية تكون مدهونة
انا بافرشها ورق زبدة وادهنه خفيف
وممكن تشكل كور وترصيها وتضغي عليها عشان تتفرد
وتخبز في فرن 350 لمدة 8 الي 10ق
وهذه الصور هدية لعيونكن
[center]
انا حطيت صور كتيرة عشان عزماكم كلكم
ولو الصور ملخبطة اتمني تسامحوني
وتظبطوها مش عارفة اظبطها
اتفضلوا ويلا جهزوا الشاي
✿*موضوع متميز*✿ تارت الشيكولاتة ,,,,,,,,,, اهداء محبة وشكر لمشرفات وعضوات المنتدي
رد مع الاستدلال
كتبت بواسطة gabsoz
.
الروابط المفضلة