✿* حلى متميز*✿ تارت الموز بالكريم باستير سهل جدا وحيعجبكم
السلام عليكم ورحمة الله وبركاته
الطريقه دي لذيذه وسهله واطفالكوم حيحبوها مش بس انتم
انا شفتها بس بدل الكريم باستير مهلبيه
وعملتها وكانت حلوه وجربتها بالكاسترد كمان حلوه
بس اخطر واجمل حاجه عجبتني بالكريم باستير السهل اللي حقلكم عليه وحتحبوها جداااااا
حبيباتي
مقادير عجينة التارت
كوب ونص دقيق
نصف كوب سكر بودره
بيضتان
باكو فانيليا
2 ملعقه كبيره زبده طريه بحرارة الغرفه
ملعقه كبيره ممسوحه بكنج باودر
مقادير الخليط او الحشو
4 موزات طراي
3 ملاعق سكر
باكو فانيليا
نقطة ماء ورد
شوكه لهرس الموز هههههههههه
مقادير الكريم باستير بس بطريقه سهله وحيطلع نفس الطعم ونفس القوام
باكو كريم شانتيه دريم ويب
باكو كاسترد تاج الملوك او اي نوع
2 ونص كوب لبنلاعداد الكاسترد
طريقة تحضير العجين :نضرب البيض مع السكر البودره وباكو الفانيليا بالمضرب اليدوي العادي ضربا جيدا تاخ تااااخ تااااخ ههه دا صوت الضرب على فكره
ثم نضيف الدقيق والبكنج باودر والزبده ونفركهوم في الزبد لحد ما يبقو زي الرمله ونضيف عليهوم البيض اللي ضربناه مه السكر والفانليا ونعجنهوم
حتتكون عجينه ملساء متماسكه مرمله نوعا ما هههههههه زي اللي في الصينيه دي المهم
ادهني الصينيه بفرفوتت زبد او نقطة زيت وحوطي العجين وافرديه واعملي سور من العجين على الجناب داير ما يدور زي اللي في الصوره دي علشان الحشو ميطلعش بره
يعني سور 2 سنتي مثلا او سنتي ونص وشكشكي العجينه بالشوكه علشان مترتفعش قوي عن المطلوب يعني لازم تخرميها كويس بالوشوكه
طريقة اعداد الحشو
اهرسي الموز مع ال3 ملاعق سكر عادي ومع باكو الفانيليا وممكن تحطي نقطة ماء الورد وممكن لا على راحتك
لحد ما يتهرس الموز خالص بالشوكه ويبقى زي الكريمه
ادهني بيه قاعدة التارت كما في الصوره
طريقة اعداد الكريم باستير السهله وهيا هيا الكريم باستير اللي بتعملوه ونفس الطعم والقوام ويمكن احلا
حضري الكاسترد اولا
بغلي 2كوب لبن محلا بملعقتين كبار سكر وشليه على جنب وضيفيلو نصف كوب لبنبارد عادي تكوني مذوبه فيه ملعقتين كاسترد كبار مليانين وتقلبيه على كوبايتين اللبن اللي غليتيهوم بس تكوني شايلاهوم بعيد عن النار وقلبيهوم لحد تمام التجانس والذوبان حتلاقيه سمك شويه صغيره رجعيه على النار شويه وقلبي بشويش بستمرار لحد ما يبجبج ويعمل فقاقيع شويه ويكون وقوامه كريمي ثقيل
بس طبعا متوقفيش التقليب
خلاص سيبي الكاسترد يبرد شويه
وتكوني حضرتي باكو الكريم شانتيه وضربتيه لحد ما بقا كريمه تقيله
اضيفي ليه الكاسترد واضربيهوم في الخلاط مع الكريم شانتيه
لحد ما يختلط الكاسترد بالكريم شانتيه
وحوطيهوم فوق قاعدة الموز
وبكدا الصينيه جاهزه
بس متنسيش تكوني محضره الفرن ومسخناه شويه قبل ما تحوطي الصينيه ب 10 دقائق
سبيه على درجة 280
ودخلي الصينيه في النص زي ما بتحطي الكيكه
وسيبيها في الفرن 20 دقيقه او 25
وطلعيها دا بعد ما طلعتها
وزينيها بالكريز الاحمر
او فراوله
او عين الجمل او اللي تحبيه
او فسدق مطحون ورشيه فوقيها
وبالهناء والشفاء يا رب تعجبكم
رد مع الاستدلال
كتبت بواسطة YSmSma
الروابط المفضلة