بدي قدملكن هالحلى هو سهل ولذيذ وما بده شغل كتييييييير وهو الحلى المفضل عندي وعندي زوجي وطبعا هاد الحلى البارد كنت ناوية نزله من زمان بس جهازي كان خربان وفيه مشاكل+كسل من عندي المهم بلا طول سيرة نروح على المقادير والطريقة واعذروني لانه ما صورت الخطوات لانه سهلة مو محرزة وانا جديد تعلمت كيف نزل صور هون.....
المقادير****(اعذروني ما صورت الخطوات)
علبة بسكويت شاي سادة
علبة حليب نستله المكثف المحلى
علبة قشطة
ظرف كريما بيضا
4حبات جبنة كيري
نص كوب كبير حليب سائل( انا بحب الخليط جامد لهيك ما بكتر )
كاكاو بودرة للتزيين
قطعة شوكلا سادة مرة للتزيين
الطريقة******
نبلل البسكويت بالحليب ونرصه بالبايركس
بالخلاط بنحط ظرف الكريما والكيري وعلبة النستله والقشطة نخلط منيح واذا شفنا الخليط جامد بنحط حليب سائل شوي شوي وبنخلط
بنحط طبقة الخليط فوق البسكويت المبلل
وبنرجع نصف طبقة بسكويت مبلل بالحليب السائل
كمان بنحط طبقة من الخليط
عالوجه بنرش كاكاو بودرة وبنبشر شوكلا مرة طبعا انا ليش اخترت الشكولا مرة لانه الحلى دسم وحلو كتييييير وانا كسرت الشوكلا المرة بايدي وقسمتا شقف صغيرة وزينتا عالوجه
بنحطه بالبراد شي 4 او 5 ساعات ليتماسك الحلى منيح وبسسس
ياااااااااااارب يعجبكن الحلى متل ما عجبني وعجب جوزي وبنتي كتيييييير
يلا ام مالك بعرف انك عم تستنيه كتييييير جربيه بس ما دخلني اذا سمنتي منه ههههههههههههههههههه
ياريت المشرفة تعدل الستله _النستله(غلطة مطبعية)
في امـــــ الله ــــــــــــان
الروابط المفضلة