علشان خطرك يا دندن ده أحلي كبيس طريقه ماما ربنا يخليهالي ومش هقولك عالطعم ولا قد أيه مفيد...يعني تقدري تقولي كل معلقه فيها سيخ حديد
بسم الله نبدأ
المقادير:
-2 ك عجوه (بلح مجفف وليس تمر) مقطع صغيرا
-4 ك عسل أسود
-ربع ك سمسم
-حبه سوداء(حبه البركه) وجوز مبشور (حسب الرغبه)
-قشر حبه سوفندي(يوسفي) مقطعه ناعم جدا
-قرفه وقرنفل
-نقط من عصير ليمون
الطريقه:
-يوضع العسل علي النار وبمجرد ان يبدأ الغليان يضاف قشر السوفندي
-بعدها مباشره تضاف العجوه وتترك لتغلي حوالي 10 دقائق أو حتي تنضج العجوه
-يضاف القرنفل والقرفه
-يحمص السمسم والحبه السوداء والجوز ويضافو للخليط
-تضاف قطرات قليله من عصير الليمون
-يترك ليبرد ثم يحفظ في برطمانات
معلش اناعارفه شكل التقديم مش حلو بس أعمل ايه فخميره شهيره اللي خلتني عملت الكبيس بعد نص الليل ومكنتش شايفه انا بعمل ايه....
الروابط المفضلة