✿*وصفة متميزة*✿ بطاطا حلوه بس ............. كيك ..... يم يم
صباح الفل على عيونكن حبيبات قلبى
امبارح كنت عاوزه اعمل صينية بطاطا حلوه بالباشاميل عاديه زى دى :
http://www.lakii.com/vb/showthread.php?t=517044
بس ايه اللى حصل بأه ؟
زودت الدقيق شويه يعنى حطيت حوالى 4 أو 5 دقايق
والبيض زى ماهو بيضتين
والسكر حوالى كبايه
وفانيليا
والزبيب وجوز الهند
واللبن حوالى كبايه برضه
والسمن حوالى ملعقتين كبار
وطقت فى دماغى احط بيكنج بودر
حطيت الباكو كله .........
وزودت كمان قرفه حوالى معلقتين صغيرين
ورحت مقلبه كله على كله بعد طبعا ماهرست البطاطا كويس وهووووووووووب على الفرن
واول ماتخبزت رحت حاطه قشطه على الوش كله
ورحت حاطاها تحت الشوايه علشان القشطه تتحمر
وآدى اول طلعه ومش عاوزه اقول لكن ريحة القرفه كانت عامله ازاى فيها
وآدى تانى طلعه
ربنا مايوريكوا ..... فيها بتاع اتنين تلاته كيلو تخن ...... ربنا يستر .....
رد مع الاستدلال
كتبت بواسطة soso22
الروابط المفضلة