بسم الله الرحمن الرحيم
السلام عليكم ورحمة الله وبركاته
يا صباح الحلويات والقهوات
مممممممممممم وفعلا عملتها بذمة وضمير
بس اللي صار وانا رايحة اطفي الفرن علهيا رن تلفوني
وطلعت ماما وحكيت معها ونسيت الكعمة قام شو صار فهيا؟
لزقت اشوية من القاع وطلعت نصين نص زابط وما احلى ونص ملزق بقاع القالب بس مش محروق
المهم صرت اتحسر وافكر شو اعمل فيها شو اعمل فيكي
بعدين قلت احسن شي اعملها كرات
وفعلا جبت الكيكة
وقطعت النص الملزق
وفتفتة وخلطتة مع معلقة قشطة
ورخيت القشطة بشوية حليب ونسكافية
وبعدين خلطتهم وعجنتهم مع بعض
وفردتها براحة ايدي وحشيت بعضهم شوية شوكولاته كانت عندي من قبل شوكولاته على جوز هند
وكورتهم منيح ودحرجتهم بجوز الهند ومن ثم سيحت كمان شوكولاته وعبيتها بكيس
وصبيت الشوكولاته على الكرات
وبس هذا هو ...اليم الصبح جبتها معي على المكتب وضيفتها لزميلاتي مع فنجان قهوة سادة ممممممممم انبسطو عليها
وسلامة تسلمكو وهي احلى كرات ممكن تعملهيا باي نوع كعكة ملزقة عندك
ويسلمو كتير للاروبة
لانه كعكتها كتير زاكية وانا ما بستعمل الزبدة بكعكاتي بس ها المرة شريت زبدة مخصوص وعملت كعكتها
وفعلا بشجعكو تعملوها
الروابط المفضلة