اخواتى وحبايبى
اول مرة ادخل قسم الحلويات
وياريت متكونش اخر مرة
ان شاء الله بتشجيعكم ليا
انا النهاردة هوصف لكم عمل الكلفة
انا كنت بتكلم مع صاحباتى فى ركن الاخاء
وطلعوا ميعرفوش يعنى ايه كلفة؟؟؟؟؟؟؟؟؟
فانا قلت اعرفكم بيها
الكلفة يابنات
مسحوق مجموعة من المكونات
بتييجى من عند العطار
وهى ليها ريحة نفاذة ومميزة
وهى مغذية جدا وبتعطى طاقة
ومحبذ اكلها فى فصل الشتاء
(ولو فى الصيف برضه مش هتقول لا هههههههه)
والكلفة انواع
فيه منها انواع جيدةوبتتعرف من فرق السعر
يعنى فيه منها غالى وفيه رخيص الثمن
وده بيفرق فى نوعية المكونات ال بتكون مخلوطة بداخلها وبيرجع كمان للعطار نفسه
بعد ماعرفتكم نبذة عن الكلفة
نبدا بالمقادير
(بس اعذرونى انا اسفة مش بعرف انزل الصور يعنى الموضوع سادة)
1_ كوب كلفة
2_ 6كوب دقيق
3_ كوب ونصف سمن وزيت(ولو بتحبى الحاجة دسمة يبقى 2كوب سمن وزيت)
4_ باكو بيكنج بودر
5_ ربع ملعقة صغيرة بيكربونات صوديوم
6_ ملعقتين كبيرتين سمسم
7_ 2كوب سكر
8_ كوب ماء
الطريقة
1- تخلط مقادير الدقيق والكلفة والبيكنج بودر
والبيكربونات والسمسم بعد تحميصه
خلطا جيدا
2- يذاب السكر فى كوب الماء
3- يسخن مقدار السمن والزيت ويصب فوق المكونات فى رقم (1)
ويبس باليد جيدا بعدما تهدا حرارته
4- يتم اضافة السكر المذاب فى الماء ونعجن جيدا
ستتكون عجينة لينة لتساعدنا فى الفرد بالصينية
5- تدهن الصوانى بالزيت وتبط العجينة اجزاء اجزاء فى عدة صوانى ويعتمد ذلك على سمك العجينة
وكلما كانت رقيقة السمك
كلما كانت مقرمشة كالبسكويت
وان اردتيها لينة تكون طبقة العجين بالصينية اسمك
6- تقطع على شكل سمبوسكات او مربعات
ويرش على الوجه رشة سمسم
7- تدخل الفرن على نار متوسطة حتى تمام النضج
8- بعد نضوجها تبرد ثم يتم تقطيعها من جديد وتعبئتها
وعلى فكرة هى ممكن تعيش فترة طويلةمحتفظة
بكامل جودتها فى اناء محكم الغلق
وبالهنا والشفا
الروابط المفضلة