مش عارفه ايه الحل كل ما اعمل كيكه تطلع وحشه جدا و هابطه و محروقه او ليس لها طعم جربت وصفات كتير نفسى اعملها حلو عشان بقيت باحقد على كل اللى بيعملوا كيك كويس قولولى ايه الحل انا هقولوكوا ازاى بعملها و الادوات اولا انا بستخدم خلاط الطماطم لانى ليس عندى مضرب بيض ثانيا بحط 4 بيضات مع كوب ونص دقيق ونص كوب زيت و ايضا لبن و فانليا و بيكنج باودر وطبعا سكر ناس كتير اعطونى المقادير دى بس اما اجى انفزها تطلع زى ما قلتلكم ..الحقونى وقولوولى على طريقه سهله و ناجحه و مجربه بجد

شوفي يا جميل ممكن يكون البيكنج باودر اللي بتستخدمية مش كويس

و دة المفروض تتأكدي منة قبل العمايل بأنك تحطي شوية منة في مية سخنة

و تشوفي ها يفور و الا لأ ؟ لو فار يكون كويس و استخدمية على بركة الله

دي حاجة

الحاجة التانية يا ستي ممكن ما تكونيش بتنخلي الدقيق كويس و دي خطوة مهمة جدا

عشان تدخلي الهواء داخل الدقيق عشان الكيكة تنفش و دة لازم تنخلية حو و البيكنج

باودر مع بعض تمام ؟؟؟؟؟؟؟

بعد كدة نيجي لطريقة اضرب نفسها انت اخلطي مكونات كيكتك في الخلاط عادي كلها

الا لما تيجي تحطي الدقيق و البكنج باودر تضيفيهم بأيدك للخليط و تقلبي شوية شوية

بالراحة و في اتجاة واحد عشان الهواء ما يخرجش و تبوظ الدنيا تمام لغاية كدة ؟؟

اه فية حاجة نسيتها من اسباب فشل الكيك احيانا

البيض يا ستي الافضل انة يكون بدرجة حرارة الغرفة يعني اطلعة من الثلاجة قبل ما أعمل كيك

اقل شيء ساعة قبل ما تعملي عشان يديكي نتيجة أحسن

بعد كدة الفرن الفرن لازم تظبطي درجة حرارتة على 180 درجة و ما تزوديش و تحطي الشبكة في النص

و لازم تكوني مسخناة قبل ما تحطي الكيكة فية

حتى و انتي بتقفلي باب الفرن اقفلية بهدوء عشان ما يجيش تيار هواء ناتج من القفل السريع دة

و يطلع الهواء و يهبط لك الكيكة

و أهم شيء ما تفتحيش عليها باب الفرن قبل 25 دقيقة عشان تشوفيها استوت و الا لأ ؟

و كمان لما تيجي تقفلي الفرن بعدها تقفلي بشويش

و أخر حاجة عشان ما تهبطش انك ما تقطعيهاش او تقلبيها الا لما تبرد

و لكي مني كل التقدير و يا ريت تقولي لي عملتي اية و طلعت معاكي و لا لأ ؟

كمان بضيف اضافه
المقادير اللى ذكرتيها غريبه
يعنى 4 بيضات وكوب ونص دقيق ازاى وكمان لسه حتضيفى اللبن والزيت دى حتبقى ميه خالص
خدى المقادير دى وجربيها
4 بيض
2 وربع دقيق
نص كوب لبن ونص كوب زبادى
كوب زيت او كوب الاربع
كوب سكر
2 ونص ملعقه صغيره باكينج باودر ونص كربونات صوديوم
ملعقه فانيليا
اخلطى كل السايل مع بعض فى الخلاط
يعنى البيض والسكر الاول وبعدين الفانيليا وبعدين الزيت واللبن ولما تخلطيه كويس
ضيفى السائل على الدقيق والباكينج باودر والصودا المنخولين مع بعض وقلبى بالمعلقه الخشب او بالمضرب اليدوى بتاع البيض
وكلى احلى كيكه وادعيلى وطبعا متنسيش نصايح دور
يلا قومى اعملى كيكه دلوقتى وبلغينا بالليل بالاخبار ولا تتعقدى ولا حاجه خالص

بسم الله ماشاءالله على الاخوات الكرام والاحباء

والله ماقصرو يعطيهم الف عافية يارب

ومفيش حاجة الواحد يزيدها بعد هذه المعلومات

من الاختين فاضلتين دور وحبيبت القلب سمسمة

وننتظر الكيكة الجميلة من ايديكى الحلوة

لايأس مع الحياة يااختنا الكريمة

الغاليات ما قصرو و انا انصحك بمقادير الغالية yehia 2007
انا جربت كيكتها و طلعت رااااااائعة.

في انتظار تطبيق

السلاام عليكم اختي العزيزة

والله انا كنت زيك بالضبط كنت بعمل كيك بيقرف بيطلع ههه حشا النعمة

بس مرة علي مرة مرة علي مرة صار بيجنننننننننننن

واحسن وحدة تعمل كيك هيا حضرتي ههههههههههه

جربي الي قالولك عنو الاخوات الفاضلاات بارك الله فيهم

وبعدين قوليلنا عالنتيجة اوك ؟

سلااااام يا عسل

فيه نقطة هااااااااااااااامة كمان........ززمقاس الصينية ممكن يكون كبير عشان كدة الكيكة مش بتعلي ياريت يايا ام نور تقوليلنا مقاس الصينية بتاعة مقاديرك

انا بعملها فى قالب الكيك المخروم وممكن كمان مقاس صنيه 22
وعشان تقدرو اكتر حجم الصينيه ممكن من خليط الكيك على حسب ما تشوفى شكل الخليط
تعرفى اى حجم يناسب صنيتك
بس لازم الخليط يبقى تلات ارباع الصينيه علشان تطلع عاليه وحلوه

اعرف ان ردي متاخر ولكن عندي اقتراح من اجل ان تنجح الوصفات ان تذكر التي تعمل الوصفة حجم الصينية وهناك ملاعق للمقادير يوجد منها في ايكيا ورخيصة جدا في نوع 7ريال والثاني 27

الحمد بالله بفضل الله ثم ردودكم و نصايحكم عملت كيكه و طلعت حلوه اوى و عرفت وا كتشفت ليه كيكتى بتطلع مش حلوه عارفين ليه عشان كنت بحط الدقيق فى الخلاط ههههههههههههه وانا اقول هو فى ايه كنت هاتجنن الحمد لله انى اتعلمت . ادعولى بقه اعرف اعمل تورتات وحلويات مثلكم
سؤال كمان معلش ايه افضل انواع الصوانى لخبز الكيك التيفال و لا البيركس و لا الالمنيوم انصحونى يا خبيرات
جزاكن الله خيرا