النهاردة يوم عجيب بالنسبه لى
اول مرة اقف كتير كده فى المطبخ واعمل اكتر من حاجه فى وقت واحد
علشان يوم ميلاد جوزى اليوم ان شاء الله
وقبل معرض عليكم الموضوع والصور
احب اعرفكم انى كنت فااااااشله جدا فى موضوع الحلويات ومعنديش اى ثقه انى ممكن اعمل حاجه مظبوطه
مشجعنيش غير بنات الركن هنا والمشرفات وتشجعهم الدايم بالتميز واهو بحاول اتطور من نفسى الحمد لله
واى حد اتعلمت منه حاجه جزاه الله خيرا كثيرا
اولا انا عملت تورته الفراوله لام نور yehia2007
طبعا هى ساعدتنى بالخطوات ودى اول مرة اعمل تورتة او ازينها
قسمت الكيكه طبقتين بس لانها مستحملتش اكتر من كده
بس حاولت افنن فى التزين وفى النص حطيت ايس كريم شكولاته وفراوله وفكرة الايس كريم جاتنى من نور الهدى ام نور بردة
ومن فوق زينتها بالانانس والفراوله ونص كريم شانتى بالقشطه ونص ايس كريم وسودانى والجوانب بالفراوله
ودى كانت النتيجة
و طبعا مكنتش اقدر اصور الخطوات كلها لانى كنت بعمل اكتر من حاجه فى وقت واحد
طلعت فى الاخر بابا نويل
كمان عملت الكوكيز ل من الماضى
بس غيرت شويه فى المقدار يعنى حطيت دقيق اكتر وكاكاو اقل
كمان شكلتها بماكينه البيتيفور علشان الشكل يكون احلى
ودة لما زينته بالشكولا والله العظيم جامد جداااا
جينا بقى لكيكة الشكولاته بالصوص
لريم الحلوة
لسه كنت عملاها من كام يوم ومحد صدق انها صنع ايدى خصوصا جوزى يقولى
(لا ياختى بتضحكى عليا وشرياها بودر جاهز بالصوص)
فضلت احلفله 100 امين انى انا اللى عملاها لغاية مصدق
ودى كانت نهاية يوم طويل وصممت انزل التطبيقات اول مخلصت والى اللقاء فى حلقه اخرى وتطبيق اخر وبالهنا والشفا لينا
✿*تطبيق متميز*✿ تطبيقاتى لثلاث حلى وثلاث عضوات (تورتة فراوله .كوكيز.كيك شكولاتة)
رد مع الاستدلال
اسم الله عليكي شطوووووووره 
اعذروني لغيابي 
*
*
الروابط المفضلة