بسم الله

حبيباتي w baby.....و الزهرة البرية .....و أم لبنتين وولد ....الله يبارك فيكن جميعا ...ويفرحكن

في القريب العاجل بأعز احبابك أو ببشارة خير تجيكن قرييييييييييييييييبا

عزيزتي كلاسي

أنا طبقتك الفكرة على شوكولا حبات البندق و رقائق الكورن فلكس

و هذه الصور

و لك حرية الأختيار بينها و بين معينات الشوكولا

بالنسبة لسؤالك عن طريقة حفظهم

احفظيهم في الثلاجة أو في الفريزر أو حتى خارج الثلاجة

لأن الجو بارد و الشوكولا لن تذوب.

لكن عند حفظهم يجب أن لا تضعي القطع على بعضها

حتى لا يتغير شكلها أو تنخدش.

احفظيهم في الحافظات طبقة واحدة فقط ولا تضعي فوقها طبقة أخرى.

بالنسبة للتارت حضريه و اتركيه يبرد و ادهنيه بالشوكولا الذائبة على حمام مائي

و اتركيها تجف ثم خزنيه.

يوم المناسبة احشيه بالكريم باتيسيير و صفي عليه قطع الفاكهة و احفظيه حتى وقت التقديم .

و ماراح يأخذ رطوبة لأنه مغلف بالشوكولا و كذلك الكريم باتيسيير لابد تكون كثيفة.

و حتى لا تسود قطع الفاكهة ضعيها في عصير ليمون

و اخلطي معه قليل من عصير البرتقال حتى لا تكون حامضة كثير

ثم صفيها من العصير و زيني بها التارت.

و أي سؤال أخر تفضلي

الف مبروك مرة أخرى

و الله يتملك فرحتك بالخير

احلى خبر واحلى فرحة




واخيراً بنديرو عرس خلي نوتي روحي



واني الحق مع الزمني بكلااااااااااااااااااااااااااااااااااااااااااااااا وة



بكلاااااااااااااوة





او حلويات شرقية





وما شاء الله البنات كفوو ووفوووووووووو يعني عندك افكار بالهبل بس ماما تقول بكلااااااااااااااااااوة




معليشي اني مهبولة بكلاوة ههههههههههه



يا رب الستر مع ولد الحلال وربي يهنيكم ويوسع عليكم

ألف مبروك يا كلاسي
خبر سعيد
ربنا يتمم لك الزواج على خير

ماشاء الله الكل وضع لك وصفات أحلى من بعضها
واستفدتا نحن منها أيضا

الف مبروك الخطوبه
الله يحقق كل اللي في بالكم و يبارك فيكم يا رب
و ان شاء الله الاخوات افكارهم كلهه حلوة

بسم الله

حبيبتي زينب محمد 2 :

بعدما قريت ردك الجديد علي موضوعي ...قعدت مدة وأنا منذهلة بسم الله ماشاء الله علي روح العطاء الغريبة اللي عندك ...حتى وين ما تنصحي من قلبك وكأنك تعرفيني ويهمك اللي بيصير فيا ....تعبتي روحك ودرتي الشوكولا عشان توريها ليا ....بأمانة وبكل صدق وبعيدا عن المجاملات والنفاق وأي مبالغة انتي منحة ربانية ليا ولكل العضوات اللي في هالمنتدى ....ربي يحفظك ويحميك ويديم عليكي نعمة الصحة والعافية ....ويفرحك بكل احبابك يااااااارب...ويجازيك علينا كل الخير


وخلاص بإذن الله ح ندير التارت كيف ما قلتيلي ....ولو الوقت أسعفني ح نديره اليوم...وكريم الباتيسيير نديره بالنشا والا الدقيق أفضل ؟؟؟اعتقد النشا ح يكون اخف خاصة ان قبل التارت في عشاء معتبر ههههه وأكيد الكلمة الأخيرة لك

و عندي سؤال لك ...نحنا بنديرو نوعين سلاطة مع العشاء ....الأول السلاطة المشوية التونسية لأن زي ما انتي عارفة نحنا اللليبيبن نحبو الحار ...ومايختلفوش عليها اثنين وميزتها ممكن تحضيرها قبل المناسبة بيوم ...

النوع الثاني مازال محيرنا شوية ....مش عارفة انتي بيش تنصحيني يا غالية ...حاجة علي ذوقك ...ونوعا ما متماشية مع السلاطة المشوية مش شرط حارة زيها بس يعني حاجة ممكن تكون معاها بنفس الطبق ...يعني مافيهاش زبادي أو صوص أبيض ....لأن الفرق البعيد ف الطعم شوية بايخ ... وانتي شن رأيك لأن الطبق ح يكون نص بنص من النوعين ...وأكيد ح نوصي خواتي يصورن الأطباق عشان نوريهن لك ثاني يوم أو ثالث يوم بالكثير بعد المناسبة


حبيبة الكل ماما الاء :

يا ألف اهلا وسهلا بيكي في موضوعي وتهنئتك وصلتني ياغالية ...وشاكرة اهتمامك ورأيك لكن والله موضوع البقلاوة شوية صعب معش عندي وقت ...وانا ما نفضلش الحلويات الجاهزة خاصة في المناسبات ..

وما تنسيش إني بنوري إبداعات العروس قدام أهل العريس هههههه

وربي يجعل دعائك مستجاب ليا وله يااااااارب...

حبيبتي roza 1 :

شكرا حبيبتي للتهنئة ...وأنا معاك ونتمنى الجمع يستفيد من موضوعي وربي يكثر من ألأ فراح في بيوت الجميع اللهم امييييييييين

حبيبتي ام أحمد :

شاكرة اهتمامك وتهنئتك ودعائك ليا ....وربي يخليكن ليا جميعا ....ويزيد من الأفراح في كل العائلات

ايوه احني قصدك بديري الحلو بايديك عطيك الصحة يا روحي ان شاء الله بس يسدك وقت
وعندك حق لازم توري ابداعاتك لحوش العريس احني عاطينهم اكبر صنافة بنغازية الله يحميك ويحرسك
وفكرة التارت حلوة بكل ولقطتها مميزة وحتى فكرة الدبلتين حلوة خصوصا لو بعجينة اللوز وعلى فكرة الرش الذهبي موجود في سوق الثلاث اليوم سالت عليه قالو في محل كبير متاع مستلزمات الحلويات وفيه كل شئ بس المشكلة كيف بيوصلك غادي بس تقدري تعوضي بفكرة تخليط الالوان
والله يكون في عونك ويفرحك بعريسك واماليه
وخلينااا نشوووفووووو الابدعاااااااااااااااات

السلام عليكم........شكلني طولت عليك ياغاليه معلشي النت مدايرها فيا... المهم ان شاء الله حاجات الاخوات حلوات خاصة تبع زنوبه الغاليه ..... وهادا رابط الموضوع اللي حكتلك عليه يلله بلكي يفيدك ....... والف مبارك ياحبيبه.
http://www.lakii.com/vb/showthread.php?t=497879

الف الف مبروك وعقبال الفرح ان شاء الله اعزمينى اذا كنت فى بنغازى
انا رايى من راى جورى الغاليه عقبالها ان شاء الله نافورة الشوكولاته اتجنن بصراحه وفكرتها روعه بس مااعتقدش فى بنغازى ان شاء الله تحصليها والا ديرى تشييز كيك وماشاء الله افكار البنات كل يوم فى شى جديد من الحلو ربى يباركلك ان شاء الله

الف مبروك على الخطبه ذوقيهم بعد العشا تارت