السلام عليكم ورحمة الله وبركاته

بالامس كان ودى اعمل تشيز كيك بس اول مرة اعملها فاحترت مادا افعل

وخاصة انى لم يكن لدى بسكويت فزادت حيرتى المووهمم

ارسلت للحبيبة/ام شادى لتمد لى يد العون وبصراااااااااحة ما ردتنى ولا خيبت ظنى

بل بالعكس امدتنى بافكار جديدة ولم تخطر ببالي وكمااااااااان مميزة

فجيت جررررررررى اشكرها جدا بعد نجاح التشيز كيك حتى كنت ناوية اصورها

بس للاسف مالحئت

ودى بطاقة شكر بسيطة لها

انتظروا رسائلي وردودها في الرد القادم باذن الله

اعدرونى على الكلام الغير منظم بس بصرااحة انا مش عارفة

اشكرها ازاى ؟؟؟!!

سلاااااام

كتبت بواسطة الشذى الفواح

السلام عليكم ورحمة الله وبركاته

ام شادى ممكن مساعدة انا دورت على مين اساله لئيت مواضيعك وتورتة التلج دى حسيتها ابداعية وحلوة

ودة سؤالى عشان ما اطولش عليكى الله يبارك فيكى يارب:

انا عندى علبتين قشطة وباكويين كريم شانتيه وكمان كمبوت خوخ وعلبتين جيلي كرز وعندى علبة خليط كيك جوزهند جاهز

كنت عاوزة اعمل تشيز كيك او شيء من القوام الكريمى

ادينى اختراعاتك يام الافكار

وجزاكى الله كل خير

ودة كان الرد الاول للغالية

كتبت بواسطة ام شادى

و عليكم السلام و رحمه الله و بركاته
اشكرك على كلامك الجميل جدا جدا
اشكرك على ثقتك فيا جدا جدا

حبيبه قلبى ممكن تعملى حاجات كتير بيهم
اولا اعملى كيك جوز الهند بس اخبزيه فى حله اى طنجره لو عندك حله الى طالعه على واسع الى اسمها شاورمه يكون احسن علشان لما تقلبيها تكون مثل الجبل و تقسم طبقات و تحشى مثل جبل التلج

و لو معنكيش اعملى صنيه مدوره عاديه بس حجمها يكون صغير شويه علشان الكيك يكون مرتفع

كدا خلاص خبزتى الكيك اتركيه يبرد و جهزى الحشو
ممكن تعمليه تورته بالكريم شانتيه و تسقيها بماء الكمبوت و تزينيها بالخوخ بعد ما تقطعيه شرائح و ترصيه على شكل ورده مثل تورته الجلاش التى عملتها فى هذا الرابط دا للشكل الخارجى
http://www.lakii.com/vb/showthread.php?t=485446
لكن يا قمر لو مش عارفه تقطعيها ازاى و تحشيها و كدا شوفى تورته الفانوس ازاى تقسميها و تسقيها و تضعى الكريم ثم الفاكهه ثم الطبقه الاخرى و تبقى تورته لذيذه و شكلها مميز

لو حبه تعملى تشيز كيك خدى شريحه من الكيك فقط عرضالاصبع و ضعيها فى الصنيه بعد ما تغلفى الصنيه بالاسترتش او الالمونيوم حتى يسهل اخراج التشيز كيك
و اعملى كيس كريم شانتيه مع علبه القشكه و لو عندكباكو كريم كراميل البودر او جبنه مثلثات ضعى معهم و اضربيهم فى الخلاط و صبيه على الكيك و دخليه التلاجه
و سيبيه لمده طويله 6 ساعات مثلا و بعدين اعملى باكو جيلى واحد بنصثف كميه الماء يعنى نصف كوب ساخن و نصف كوب بارد و عندما يبرد و التشيز كيك تكون جمدت كويس صبيه بحزر عليها و على التلاجه على طول


و ممكن حبيبتى باقى الكيك تعملى منه شكل اخر من الحلوى او تضعى عليه الجيلى و تعمليه مثل تورته الجيلى بتاعتى و عندك الرابط
http://www.lakii.com/vb/showthread.php?t=496429
و كمان ممكن تعملى الباقى مثل جبل التلج تاخدى شريحه عرض 1 سنتى من باقى الكيك و تضعى عليها الكريم شانتيه و قطع الكمبوت ة تقسمى الشريحه الثالثه من الكيك لمقاسين اصغر و تعملى زى الهرم و تغطيه بالكريم او القشطه المخفوقه مع السكر

كمان ممكن تقطعى الكيكعلى طبقات و تضعيه فى بوله عميقه و بينه و بين بعضه كريم او قشطهو كمبوت و تعملى ادوار و تضعيها فى التلاجه و لما تسقع تقلبيها حتكون مثل الجبل تغطيها بالكريم و تزينيها

يا رب اكون عرفت اشرحلك انتى عندك اهم حاجه
الكريم شانتيه و الكمبوت و الكيك دول يعملوا لوحدهم اجمل تورت و حلويات حتى لو فى اطباق الجيلى او الكاسات
فكرى يا قمر و حاولى تعملى منظر جميل مثلك من الافكار الى قلتهالك او من خيالك الرائع
و حاولى تستغلى حاجات عندك فى المطبخ قالب حلو حله بوله اكيد عندك الخير كله ان شاء الله
و اتفرجى على كل تورتى و طرق التزيين خطوه خطوه اكيد حيسهلك كتير
http://www.lakii.com/vb/showthread.php?t=462585
يا ريت حبيبتى تبقى طمنينى عملتى ايه
و ان شاء الله حتكون حاجات جميله من ايدك الجميله
و ربنا معاكى يوفقك ان شاء الله
و انا تحت امرك حبيبتى

ماشاء الله عليها اخلاق والله

رسالتى الثانية

كتبت بواسطة الشذى الفواح

جزاكى الله كل خير والله مش عارفة اشكرك ازاى بس قررت حاجتين

اعمل زى ماقلتى هنا

كتبت بواسطة أم شادى

لو حبه تعملى تشيز كيك خدى شريحه من الكيك فقط عرضالاصبع و ضعيها فى الصنيه بعد ما تغلفى الصنيه بالاسترتش او الالمونيوم حتى يسهل اخراج التشيز كيك
و اعملى كيس كريم شانتيه مع علبه القشكه و لو عندكباكو كريم كراميل البودر او جبنه مثلثات ضعى معهم و اضربيهم فى الخلاط و صبيه على الكيك و دخليه التلاجه
و سيبيه لمده طويله 6 ساعات مثلا و بعدين اعملى باكو جيلى واحد بنصثف كميه الماء يعنى نصف كوب ساخن و نصف كوب بارد و عندما يبرد و التشيز كيك تكون جمدت كويس صبيه بحزر عليها و على التلاجه على طول

بس المشكلة انا الجبنة المثلثات اللى عندى هى لافاش كيري هل تاثر على الطعم ويطلع حادق ولا لا؟؟

لانى معنديش كريك كراميل ومعنديش حد يجيب لابواب وجوزى راح الشغل فهل ممكن مثلا لو هتاثر على الطعم استبدلها بباكو من الجيلي بس اعمله سميك شوية زى اللى وصفتيه واضيفه واسيب التانى للتزيين فوق؟؟؟

ولا انتى ايه رايك ؟؟؟؟
لو ماينفعش عادى قولى؟؟؟:

بجد استفدت منك كتيررررررررر والله مش مجاملة
كتر خيرك

وتانى حاجة فكرتك حلوة في كيكة بالكريمة والكمبوت قلت اعملها مرة تانية

بانتظاار ردك يا البي وجزاكى الله كل خيييير والله

ودة ردها ولاحظو طيبتها مع انى اول مرة اتعامل معاها ولاتعرفنى من بعيد

ولا من قريب

كتبت بواسطة ام شادى

حبيبنى لافاش كيرى مش حتاثر فى الطعم و ممكن تزودى شويه سكر بودره
انتى تذوقى الكريمه بالقشطه و الافاشكيرى مش حتلاقى طعم مختلف و اذا حستيها مالحه و هذا غير وارد اضيفى السكر
و ايضا ممكن تضربى الجيلى فى الخلاط معاهم بس يكون مركز فكره جميله ايضا لكن ممكن حتغير لون الكريمه لان الجيلى عندك تقريبا احمر صح
بس حتبقا تشيز كيك بالكريز ايضا فكره رائعه و اتركيها تجمد كويس اهم حاجه انها تترك لمده كافيه
اتفقنا لو اللون ميضايقكيش اعملى بالجيلى و احده و واحده بالافاش كيرى
كدا تبقى استفدتى 2 تشيز كيك بطعمين مختلفين فكره رائعه و شوفى الطعم الى عجبكم اكتر تبقى اعمليه على طول
ان شاء الله الكيك ينفش معاكى و اقسميه بالنصف و اعملى الاتنين ايه رايك ؟؟؟؟
انا افضل دائما ان الواحد يجرب فى حجم صغير لو عجبك تبقى كبرى الحجم المره القادمه و كمان تكون ايدك اتعودت و عرفتى الطعم محتاج ايه
و الحمد لله عندك 2 قشطه و 2 دريم وب و 2 جيلى كل تورته او تشيز كيك اعملى عليها واحد يعنى اقسميهم
و المره القادمه جربى تعملى الكيك الاسفنجى و اعملى تورته مثل تورتى بلمستك الجميله
اى سؤال حبيبتى لا تترددى ربنا يقدرنى و اساعدك
اتمنالك كيكه هشه و جميله و تشيز كيك رائع مثلك
تمنياتى بالتوفيق
و منتظره بكره تطمنينى

ودى كانت اخر رسايلي لها كنت اشكرها واخبرها بالنتيجة

لكن لم احب ان اشكرها فقط على الخاص بل احببت ان تشاركونى فرحتى وانبهارى بشخصية ام واخت لنا جميعا وتحب مساعدة الناس لاتانف ولا تستكبر

بل تدلى بكل ماعندها من افكار الى جانب انها تحفز وتشجع

كتبت بواسطة الشذى الفواح
وااااااااااااااااااااااااوووووووووووووووووو ونجحححححححت الله عليكى يام الافكار بجد
طلعت تحححححفة حطيت الجبنة الكيري وحطيت علبتين القشطة وعلبتين الكريم شانتيه وللمعلومة الجبنة فعلا على قولتك ما اثرت في الطعم انا حتى دقتها قبل ما احطها لئيتها قشدية مش باين فيها الملح خااالص
ومكنش عندى بسكويت وزى ماقلتلك مفيش حد يجيبلى

فكسرت كورن فليكس وحمصته بالزبد ورشيت عليه شوية ماء مسكر وقلبت لحد مالونه اتغير شوية شلته من عالنار وهويته شوية وبعدين جبت الصينية حطيت فيها بلاستيك خفيف ورحت حطيت

1/الطبقة الاولى:الكورن فليكس بالزبد
2/الطبقة الكريمية: قشطة و كريم شانتيه وجبنة لافاش كيري

ودخلتها الفريزر تقريبا ساعتين كانت تماسكت

وكنت وقت تبريدها جهزت باكو جيلي كرز

3/الطبقة التالتة:طلعت الصينية ضفت الجيلي ودخلتها تانى تتماسك اكتر والجيلي يتماسك برضه

تقريبا الاجمالى الوقت خدت من الساعة عشرة ونص الى اتنين ونص

كانت متماسكة وحلوة وعجبت زوجى وبنتى جدددددددداااااااااااااااا

كنت ناوية اصورها بس للاسف مالحئت



انا متشكككككككككرة ليكى جدا جدا جدا جدا

مش عارفة اشكرك ازاى الصراحة

ويكفى دعمك ليا وردك عليا بلا تكلف وبكل حفاوة وصراحة

حقيقي مبسووووطة خاالص انى اتعاملت مع شخصية مخلصة جدا مثلك

ودة كان ردها الاخير ايضا:

الف الف مبروووووووووووووووك
انا سعيده جدا جدا حبيبتى انها عجبتكم بالف هنا و شفا ليكم يا رب
شفتى الموضوع بسيط ازاى اى مكونات عندك ممكن تعملى اجمل الاطباق
المره الجايه ان شاء الله تعملى الكيك و تزينيه بالكمبوت يبقا تورته رائعه بلمساتك الجميله
بجد انا ألى بشكرك جدا لانك طمنتينى يا غاليه ربنا يكرمك و يسعدك يا رب
لا داعى للشكر يا ابنتى العزيزه كلكم مثل بناتى و الله اعلم
الحمد لله انتى عندك الرغبه و ذوقك حلو و متصرفه ما شاء الله
و دا واضح من الخطوات بتاعتك و شرحك المنظم
يلا صورى اطباقك و حلوياتك و نورينا بيها .. منتظرينك يا قمرايه
الف شكر لذوقك و ردك عليا

الله يبارك فيكى يا البي

بس انا مش بارعة في الحلويات مازلت اتعلم من هنا وهناك

البركة فيكى بئة

الموضوع هيك ما بيكفينا

بدنا صورة المرة الجاية أكيد

وأم شادي الله يجزاها الخير

السلام عليكم ورحمه الله وبركاته
حبيبتى اشكرك جزيلا على محاولتك لرد الجميل لامنا ام شادى
وعلى فكره لكل من لا يعرفها عن قرب
الحمد لله هذه السيده قريبه جدا منى انا وشخبوطه
لم نر منها غير كل خير
اه لو اقول لكن بتعمل ايه معانا وبتساعدنا ازاى
حتى بعيد عن الاكلات والوصفات
دائما تشجعنى وتقف جنبى وبتعتبرنى زى بنتها بالظبط
دائما تسأل عنى
دائما تطمن على بنتى وتهون عليا غربتى
انسانه بمعنى الكلمه
ربنا يبارك لها
وعلى فكره طنط ام شادى لا تنتظر مننا اى رد بالعكس هى الرد اللى بتنتظره فقط اننا فعلا نستفيد من اللى بتقدمه
زى الام فعلا اللى بتقف بجانب اولادها بدون ماتنتظر مقابل
ربنا يبارك لنا فيها
ومش بس طنط ام شادى في فى المنتدى ناس كتير جدا بيقفوا معانا ويساعدونا
بخلاف المشرفات
زى الغاليه السوسنه السوداء والغاليه تغريد وغيرهن وغيرهن
وشكرا ليكى مره تانيه
وبضم صوتى لعاشقه الحلويات منتظرين تطبيق الوصفات
وهمسه فى اذنك بالرغم من انى اشعر بنيتك الطيبه تجاه ام شادى الا انى اعتقد نشر الرسائل لا يصح حتى ولو كان بنيه طيبه
ارجو ان تتفهمى رأيي

كتبت بواسطة عاشقة الحلويات

الموضوع هيك ما بيكفينا

بدنا صورة المرة الجاية أكيد

وأم شادي الله يجزاها الخير

عشوووقة تسلمى ياعسسل والله

كان نفسي بجد اصورها بس للاسف كانو ممكن ياكلونى

كتبت بواسطة noorelhoda

السلام عليكم ورحمه الله وبركاته
حبيبتى اشكرك جزيلا على محاولتك لرد الجميل لامنا ام شادى
وعلى فكره لكل من لا يعرفها عن قرب
الحمد لله هذه السيده قريبه جدا منى انا وشخبوطه
لم نر منها غير كل خير
اه لو اقول لكن بتعمل ايه معانا وبتساعدنا ازاى
حتى بعيد عن الاكلات والوصفات
دائما تشجعنى وتقف جنبى وبتعتبرنى زى بنتها بالظبط
دائما تسأل عنى
دائما تطمن على بنتى وتهون عليا غربتى
انسانه بمعنى الكلمه
ربنا يبارك لها

وعلى فكره طنط ام شادى لا تنتظر مننا اى رد بالعكس هى الرد اللى بتنتظره فقط اننا فعلا نستفيد من اللى بتقدمه

زى الام فعلا اللى بتقف بجانب اولادها بدون ماتنتظر مقابل

ربنا يبارك لنا فيها

ومش بس طنط ام شادى في فى المنتدى ناس كتير جدا بيقفوا معانا ويساعدونا

بخلاف المشرفات

زى الغاليه السوسنه السوداء والغاليه تغريد وغيرهن وغيرهن

وشكرا ليكى مره تانيه

وبضم صوتى لعاشقه الحلويات منتظرين تطبيق الوصفات

وهمسه فى اذنك بالرغم من انى اشعر بنيتك الطيبه تجاه ام شادى الا انى اعتقد نشر الرسائل لا يصح حتى ولو كان بنيه طيبه

ارجو ان تتفهمى رأيي

تسلمى حبيبتى نور وشكرا على التوضيح جدا


بس ماخلانى اكتب الرسايل عالعام الا انى ماكنش في حاجة خصوصية وكمان

طنط ام شادى كانت بتورينى حاجات ومواضيع هى منزلاها هنا

ومش بعد الازعاج اللى عملتهولها دة ما اردلهاش اى حاجة بس كما كتبت العنوان

فحاولت ارد ولو جزء بسيط من جميلها

بس لو هى تزعل من كدة فانا اعتزر لها وبشددددددة

وبعدين انتو بتئولو اصورلكم انا كان نفسي اصورهالكو بس مقدرتش
اما بالنسبة لتصويري تطبيقاتى عامة فانا مازلت تحت التمرين

والبركة فيكو بئة

اوعى تزعلى منى نور الهدى انتى زى اختى والله

السلام عليكم
انا عضوة جديدة فى لك
لكنى ادخل كثيرا الى قسم الحلويات ؤمن الشخصيات التى لفتت نظرى كثيرا ام شادى سيدة فاضلة ؤ تطبيقاتها جميلة

وهى فعلا تستحق شهادة تقدير
على فكرة انا حاؤلت ارسلها لكن رصيدى من الردؤد لم يسمح لى لانة قليل

السلام عليكم و رحمه الله و بركاته

ابنتى الغاليه

أشكرك جزيل الشكر على شعورك النبيل

ربنا يخليكى و يكرمك و يجازيكى خيرا ان شاء الله

انا لم افعل غير الواجب تجاه بناتى و اخواتى فى الله

و انت ما شاء الله موهوبه كما قلت لك و عندك استعداد

وان شاء الله ستكونين بارعه فيها و فى كل الاصناف

كل ما أرجوه و أتمناه دعوه صادقه بظهر الغيب

لاولادى و اهلى و للمسلمين جميعا

و أتمنى من كل أبنه لى عجبها اى طبق او وصفه لا تبخل بالدعاء لى

أشكرك و أشكر جميع بناتى و أخواتى و كل من قال كلمه طيبه فى حقى

جزاكم الله الجنه و نعيمها و أسعدكم فى الدنيا و الاخره