بسم الله الرحمن الرحيم
حبيباتى واخواتى اليوم حضرتلكم كيكه خفيفه ولذيه ومفيده جدا خاصه للاطفال
بالنسبه للحوامل اشوى ايخففوا منها كون القرفه حاميه اشوى هيك بقولوا الجدات ههههه هادا الكيكه بهديها لاختى وحبيبتى وصديقتى
nesren_77 تعيش حاليا بامريكا بس قربت تيجى على الامارات قريبا بقلهااشتقتلك
كتير وهادا الكيك الى بتحبيه الك يميم يا بطه
مقاديرنا يا اخوات:
5 بيضات كبيره
كاسة سكر
نصف كاسة حليب
فانيلا نقطتين
نص كاسه زيت كرولى
ملعقة صغيرة ونصف بيكنج باودر
ملعقة صغيرة كربونات
قرفة معلقتين كبيره كاسة
جوز مفروم ناعم
2 كاسه طحين
انا حطيت كمشه من عندى جوز الهند وفستق حلبي ناعم حسب الرغبه يعنى
الطريقه :
معقول لليوم ما ابتعرفوا يالله بحكيلكم الله بعينى
ابنخفق السوائل كالعاده من البدايه لوحدهم بيض وزيت وسكر وفانيلا لمده 10 دقائق انا بالماكينه تركتهم اكتر مش تعبانه بالخفق ريحتنى الله ايخليها ههههه
بعدين بنضيف كل المكونات الجافه من طحين وقرفه وبيكنج وكربونات
والمكسرات جميعها بنكون وقتها محضرين الصنيه او القالب بالسمنه والطحين مجهزينه من جوه هاى الخطوه لازم قبل ايه عمل كيكه تتحضر نصيحه مني
وع طوووووول للفرن
من ساعه الا ربع لساعه ع حراره 180 وصحتين وعافيه
مع فنجان قهوه ولا كابتشينو يا صبايا عيشوا حياتكم
وهاى احلى قهوه واحلى كيكه لبنات البيت الفلسطينى وكل صبايا لك
الروابط المفضلة