بسم الله الرحمن الرحيم
السلام عليكم ورحمة الله وبركاته
حبيباتى اليوم جيبالكم مربى تعتبر من اهم المربات لانها بتعيش كتير يمكن اكتر من سنة مربة البلح
المقادير
2 كيلو بلح اصفر موزون بعد مايقشر - 2 كيلو سكر - 2 ليمونة كبيرة - ملعقتين كبار قرنفل -
ماء وده هاقول مقداره مع الشرح باذن الله
نبتدى دى صورة البلح بعد التقشير
ودى طريقة التقطيع ونخرج النوى على فكرة فيه طريقة اننا نبقى البلح كما هو ونخرج النوى ونضع مكانه لوز لكن فيما بعد باذن الله خلينا دلوقتى فى المقطع
ده بعد التقطيع
انا قسمتهم الى نصفين علشان اعمل مربى مفرومة فرمت النصف
بناخد النصف المقطع ونضعه فى 6 كوب ماء على النار
بعد مايغلى ويستوى
نصفيه فى مصفى
بنكيل الماء اللى غلينا فيه البلح ونكمله الى 5 كوب كبير لان طبعا تبخر منه كتير ونضعه على النار ومعاه كيلو سكر
وعصير الليمونة الاولى
نتركه يغلى ونضع فيه البلح ونقلب نحضر قطعه قماش ونضع فيها نصف القرنفل
ونغلقها جيدا
ونضعها مع البلح
وبعد ما نلاحظ ان لونها بقى وردى وده بعد فترة نختبرها باننا نضع ملعقة فى طبق ونتركها تبرد واذا وجدنا انها عملت زى الموج تبقى خلاص ونطفى عليها ونتركها تبرد ولما تبرد نضعها فى برطمنات معقمة
نيجى لباقى البلح
نضع كيلو السكر الباقى فى 6 كوب ماء على النار ومعاه عصير الليمونة
ونضع عليها البلح وباقى القرنفل بنفس الطريقة السابقة
وبعد كدة بنقلب بس خلى بالك دى ممكن تلزق بسهولة
بعد مايبقى لونها وردى والتجربة السابقة لها برضة نرفعها من النار ونضعها فى البرطمانت بعد ان تبرد
ودى فى الاخر
بالهنا حبيباتى واى سؤال انا تحت الامر
الروابط المفضلة