بسم الله الرحمن الرحيم
السلام عليكم يا قمرات و كل عام و أنتم بألف خير
من غير شر يا رمضان
مبارح استقبلناه و بكره أو بعده رح نودعه
الله يتقبل منا و منكم الصيام و القيام
و رح نستقبل العيد و يعم الفرح عالجميع إن شاءالله
و العيد مو حلو بلا كعك و معمول
بس بما انو لسه الجو حار فمازلنا بحاجة للأشياء الباردة
لذلك حبيت قدملكن هالحلو البسيط من باب التغيير
سامحوني على الحكي الكتير
يلا رح ادخل بالموضوع
أولا" : هي مقادير السوكسيه المعتمدة عندي عادة....
4 بيضات...2 كوب سكر...1 و نص كوب زبدة(لا حدا يقول للبنان)
1 كوب مسحوق الكاكاو...(70-80) بسكوتة عادية سادة
يلي صار معي أنو كان عندي كمية كبيرة من الكورن فليكس( رقائق الذرة المحمصة) بياكلوها أولادي الصبح مع الحليب قبل المدرسة....
و فجأة و بدون مقدمات قرروا اولادي أنو ما بيحبوا هذا النوع من الكورن فليكس و ما بيقدروا ياكلوه
طبعا" السبب الحقيقي هو اعلان لنوع جديد من الكورن فليكس بالتلفزيون لأحد أبطال الكرتون تبعهم
ما علينا ..طيب شو اعمل بيلي عندي؟؟؟؟
أرميه؟؟؟؟!!!!!
لالالالالالا
بديت أخترع فيه أكلات شي مالح و شي حلو
كان هذا الاختراع
بس طلع طيب
لا تكونوا مليتوا مني و رحتوا
خلص امشوا عالمطبخ:
* جبنا طنجرة و حطينا فيها البيض و خفقناه مع السكر على البارد ثم أضفنا الزبدةو الكاكاو.
* شغلنا الغاز و صرنا نحرك حتى تذوب الزبدة و ما يلصق المزيج حتى الغليان.
* نضيف الكورن فليكسو نخلطه جيدا" حتى نحصل على مزيج سميك متجانس
*ننتظر حتى تبردثم نضعها في ورق الألمنيوم استعدادا" للفها
متل السويس رول
نلفها جيدا" بشكل أسطوانة و نحكم اغلاقها
* نضعها في الثلاجة عدة ساعات حتى تجمد
* نخرجها و نرش عليها الفستق الحلبي الناعم أو أي نوع مكسرات بتحبوه
* نقطعها دوائر حسب الرغبة و نرش عليها الفستق تاني ثم نقدمها
و آخر خطوة....
أنتو احزروا ما رح قول أنا حكيت كتير
الروابط المفضلة