السلام عليكم ورحمة الله وبركاته

كيفكم يا فنانات

اليوم اختكم محتاجه لتساعدوها

انا بصراحه ما عمري عملت الكنافه بالبيت وبصراحه اكتر انا ما بحبها

بعرف رح تضحكوا علي تحكوا معقول في حد بالدنيا با بحب الكنافة

وبس تجي بنفس جوزي بجيب من محلات الحلويات كيلوا وكتير علينا ههههههه

المهم افوت بالتفاصيل انا حابه اعملها بالبيت فجأة لجوزي خصوصا انه غايب عنا وقضى رمضان لحاله يطبخ ويوكل بسبب شغله بغير منطقه

وهو جاي اخر ايام رمضان وحابه اعمل تشيكله من كل الحلويات والاطباق الي بحبها

هلأ تحضير الكنافه اكيد رح اعرف اعملها مو صناعة صاروخ

واثقه من حالها

السؤال كيف ممكن احفظ عجينة الكنافه يعني اليوم جابتلي صاحبتي عجينه طازه من المصنع نفسه ممكن احفظها مدة اسبوع ؟؟ لحتى اعملها

وممكن اني اضعها بالفريزة وهي عجينه وكيف استخدمها بعد ما اطلعها من الفريزة

يارب تكون وصلتكم المعلومه ؟؟

تذكرت كمان سؤال طولت عليكم اذا جهزت الكنافه بالقوالب او صينيه وحشيتها بقدر اتركها قبل الخبيز يعني اجهزها قبل الفطور واخبزها بعد الفطور ؟؟؟

دوقت اخلاكم سامحوني

والف شكر مقدما

حبيبتي يا أم مالك يا عسل انت...

الكنافة ممكن تنحط بالفريزر وتستعمل عادي...بس بصراحة انا مو مجربتها لأني أصلاً بجيبها مفرزة وعلى هالاساس عم أجاوبك.

بالنسبة للحشي والخبز عادي حبيبتي بس المهم لا تحطيها بمكان حار واحفظيها بالثلاجة عشان القشطة ما تنتزع...

كل عام وانت بالف خير....

وان شاء الله الصبايا يفيدوك اكتر بقصة الفريزر

مساء الفل يا قمر

تحفظ فى الفريزر ويوم ما بدك تعمليها بطلعيها قبل بوقت اذا كانت خشنه تفرك بالسمن على النار قبل عملها اذا كانت ناعمه الكنفنجى بكون باسسها بالسمن بس برضو بسيها على النار بشويه من السمن

نعم حبيبتي جهزيها قبل الافطار وبعدين ممكن شويها اذا كانت كنافه ناعمه عاديه تعمل ومن ثم نضعها على حمام ماء ساخن وتترك على الماء الساخن لوقت التقديم يعنى اترك النار شاغله على الميه اذا كنت عامله كنافه عاديه صدر كنافه

حبيبتي اذا اى سؤال ثانى تفضلى من عيونى

بصراحه جوابي انا مثل جواب رند ولبنان بالزبط لاني كتيرررررررررررررررر بعملها

تسلمولي يا غوالي ما انحرم منكم يارب
العجينه خشنه "شعر"
ومتل ما حكيت انها طازة من المصنع اجتني ملفوفه بصفط من الفلين ومجلتنه بالنايلون يعني مو داخلها هوى
حطيتها بالتلاجه من تحت حابه اعمل تجربه بكره كميه صغيره وان شاء احفظ البقيه في الفريزة لوقت اللزوم

السؤال لرند انا بدي اعملها بقوالب التارت الصغيره ممكن احطها بحمام مائي كمان ؟؟

والف شكر يا غاليات مو عارفه كيف اشكركم

الله لا يحرمني منكم يارب

حبيبتي ام مالك

الكنافه الناعمه او الخشنه التى تعمل بصدر وتكون حشوتها جبنه نابلسيه بنحطها على حمام ماء ساخن للمحافظه على سخونتها طبعا بعد ما تعمليها على نار هادىء وبظل تحركى فيها لمدة نصف ساعه على الغاز من فوق ( انت اكيد بتعرفى كيف بتنعمل )

اما قوالب التارت المحشيه مهلبيه لا لا توضع على حمام ماء ساخن لانه المهلبيه تقدم باردة

بس شوفى بما انها طازة بتكون روعه لعش البلبل يعنى بتدهنى صينيه سمنه وبعدين بتمسكى من عجينه الكنافه خصله وبتلفيها على اصباعين وبتوضعيها بالصينيه وبتحطى بالفراغ فستق حلبى بتكون روعه وهكذا تكرر العمليه حتى تمتلا من الصينيه وتكون مرصوصه جنب بعض ولما تشويها طلعيها واسقيها قطر وهذة ممكن تعمليها قبل ما يجى بيوم وهيك بكون الحلو جاهز لثانى يوم ومفيدة

شوفى الصورة

وهذا رابط لاخت بالتفصيل

http://www.lakii.com/vb/showthread.php?t=486580&highlight=%C7%E1%C8%E1%C8% E1

أم مالك ..... مش لاقيه حاجه اقولها ..... ماشاء الله فنانات الكنافة كتيييير ....انا شخصيا باعمل صوانى الكنافة وأشيلها فى الفريزر جاهزة على التسوية .... ويادوب أطلعها وأسيبها تهدى شويه واروح مولعه عليها ومسوياها وساقياها بالشراب السكرى البارد وتطلع تحفه .... وحمدالله على سلامة جوزك مقدما .....

أم مالك ..... مش لاقيه حاجه اقولها ..... ماشاء الله فنانات الكنافة كتيييير ....انا شخصيا باعمل صوانى الكنافة وأشيلها فى الفريزر جاهزة على التسوية .... ويادوب أطلعها وأسيبها تهدى شويه واروح مولعه عليها ومسوياها وساقياها بالشراب السكرى البارد وتطلع تحفه .... وحمدالله على سلامة جوزك مقدما .....

الله يسلمك عزيزتي كارمن وفعلا الفنانات ماشاء الله عليهم مشكورات ما قصروا ابدا


رند تسلميلي حبيبتي وفعلا انا كنت ناسيه عش البلبل اكيد حعمله يا عسل
الله لا يحرمني منكم يارب