●•°حلى متميز°•●صينية القرع العسلى بالباشاميل ..... ياحلاوتها
ازيكن ؟ كويسات ؟ ان شاء الله يكون الصيام مقبول .....
النهارده عملت صينية قرع عسلى وقلت أوريهالكن
المقادير :
1 ك قرع عسلى مقطع مكعبات
2 كوب سكر
2 ملعقة كبيرة سمن أو زبد جامد
مكسرات مفرية كتيييير وزبيب وجوزهند
صلصة بيضا حلوة ( دقيق ولبن وسمن وفانيليا )
الطريقة :
نجيب الحلة اللى حانسوى فيها القرع وضع طبقة قرع وطبقة سكر وطبقة قرع وطبقة سكر ونغطيها ونسيبها كام ساعة كده
وبعدين نرفعها على نار هاديه ونسيبها متغطية لحد ماتدوب قطع القرع ويختفى السائل تماما .... تماما
نهرسه كويس بالشوكة ونضيف السمن أو الزبد الجامد ونقلب كويس
نضيف المكسرات والزبيب وجوزالهند ونقلب
نفرد الخليط فى صينية الفرن
نصب الصلصة البيضا فوقها
ندخلها الفرن من فوق بس لتحمير الوجه
( دى صينية صغيرة سويتها النهارده علشان الكبيره حاسويها بكره فى عزومتى ان شاء الله )
وآدى اول قطعة بعد التقطيع وصدقونى تحفة بس جربوها
وألف هنا وشفا
رد مع الاستدلال
اعذروني لغيابي 
*
*
الروابط المفضلة