لى اختي القبية طريقتي الناجحة والمميزة في صنع قلب اللوز الجزائري ليوم جبتلكم السر

صح رمضانك ختي اسمحيلي قل تواجدي شوية عيانة برك ربي يقوينا
اختي عندي وصفة القلبلوز واختي طلب بس وباذن الله رايح يخرجلك ادعيلي ربي يرزقني الذرية الصالحة ويحفظلي بنتي ويجعلها من حفظة القران امين
اختي كم من مرة عملت القلب اللوز مرة يابس ومرة حجرة ومرة جاني مليح ومرة شوي وكنت نرمي والحمد لله جبت وصفة ممتازة جزاها الله خير اخت في الله اعطتني الوصفة والحمد لله طلعلي وجاء ماشاء الله ومع حنا في غربة تمنيت نطلعو زوجي هابل عليه واليوم درتو ماشاء الله قالي على عياك وصبرك واليوم طلعتيه شرالي كادو هههههههههههههه
المقادير
بالضبط
كيلو سميد
800 غ سكر عادي
7 ملاعق زبدة
كاس ونص ماء زائد ماء الزهر
خذي السميد والسطر خلطيهم جيدا بيدك وضيفي الزبدة الذائبة وخلطي وبسيه مليح حتى تدخل فيه وبعدين رشي الماء كما الكسكس وخلطي بشوية كي يتبل حطيه يرتاح من ساعة لساعتين انا خليته ساعة ونص جاء يهبل وبعد ذلك حضري صينيتك دائرية شوية كبيرة وادهنيها بالزبدة وحطي طبقة من الخليط ومنبعد رشي اللوز (200 غ لوز +سكر +ماء الزهر شوية مالازمش مشمخ لازم كيما البقلاوة وحطي بعدها الطبقة 2 نتاع سمي وديريه يطيب ويكون الفرن ساخن جدا وكي تحطيه ديريه 200 درجة وخليه تقريب ساعة كي يحمار نحيه وديريلو شاربات باردة وخليه يشرب
الشاربات ريتلا ونص ماء وكيلو سكر والقارص وماتخليهش يعقد غير يغلي ربع ساعة نحيه

مشكورة اختي على الوصفة اللذيذة

انا تاني راهو مايجينيش مليح درك نميزو و رجعلك لخبر

اختي اتبعن المقادير باذن الله يخرجلكم

انا تاني راهو مايجينيش مليح
مشكورة اختي على الوصفة

مشكورة أختي ورمضان كريم

يا اختي ام بثينة وشي هو سر في نجاح قلب اللوز لانو ما يصدقليش ربي يخليك وبالنسبة لكاس الماء لم افهم هل كاس ماء +نصف كاس ماء الزهر

كتبت بواسطة سحابة خريف

يا اختي ام بثينة وشي هو سر في نجاح قلب اللوز لانو ما يصدقليش ربي يخليك وبالنسبة لكاس الماء لم افهم هل كاس ماء +نصف كاس ماء الزهر

اختي شوفي لوحة تحكمك مكتوبة ذكر انتبهي اختي كاس ونص كيما تحبي كاس وربع ماء وربع كمليه ماء الزهر المهم كاس ونصف وصدقيني عملتو جاء روعةةوة ماتخافيش ديريه كيما كتبت وفرحيني

مشكوره يا غاليه
كل سنه و انتى طيبه

بارك الله فيكي فأنا أيضا من ضحايا قلب اللوز والآن خلطتُ السميد والسكر والزبدة وتركتها ترتاح وأدعولي بنجاح الكيفيه فهذه المرة المئه !!!أعيدها ولم أفلح فيها ولا مره فأدعولي لأنها آخر فرصة!!! وأظن السر في قساوتها هي الشربات يجب أن تكون جارية
وسأخبركم بالنتيجة إنشاء الله