تعالو احكيلكم عملت ايه من ساعتين
انا كنت مفضيه الثلاجه من المغرب عشان اغسلها وابتدى اشترى اللحوم وحاجات رمضان كل سنه وانتو طيبين
المهم فضيت كل الثلاجه ووديت الخضار عند الجيران كان باقى اشياء بسيطه بس مش حتخرب عادى سبتها
صحيت من النوم وافتكرت انى ناسيه بيض فى الثلاجه وهى بدأت تسخن طبعا خفت على البيض يخرب ويترمى بصراحه كانو 7 بيضات وانا احترت تعملى فيهم ايه يا سمسم
انا عمرى ما استعملت 7 بيضات لا فى كيك ولا فى عجين
المهم قلت خلينى اخترع كيكه وزى ما تطلع تطلع
كان عندى لبن رايب وعلبة زبادى باقى منها حوالى معلقتين من نور قلت خلينى استغل كل المكونات اللى عندى واخترع يمكن!!!

المهم بلاش رغى كتير ندخل فى الموضوع

_ضربت ال7 بيضات فى الخلاط ومعاهم حوالى 2 معلقة صغيره فانيليا انا بحب الفانيليا فى الكيك تكون ظاهره
_وبعدين ضفت عليهم كوب سكروخلطتهم مع بعض
_ضفت كوب الاربع زيت
_وبعدين ضفت كوب اللبن الرايب ايوه لبن رايب
وعاهم معلقتين الزبادى
وضربت كله مع بعض فى الخلاط
_فى وعاء اخر حطيت 2 كوب دقيق مع ملعقه كبيره وشويه باكينج باودر وذرة ملح وقلبتهم عشان يدخل الهوا
_بعدين ضفت الخليط السابق بالتدريج وقلبت بالمضرب اليدوى على خفيف
وضعت جزء من الخليط فى قالب

وباقى الخليط ضفت عليه زبيب مخلوط بالدقيق وقلبته ووضعته فى صينيه

انا هنا رشيت على الوجه جوز هند وقرفه

وهنا بعد ما طلعت من الفرن شايفين هشه ازاى
كيكة الزبيب مش محروقهانا بس بحب احمر الوجه ومتنسوش انى حاطه عليها قرفه وجوز هند يعنى مش محروقه

شايفين هنا الكيكه عن قرب ازاى منتفخه وهشه من الداخل

وده طبق تانى
يارب تعجبكم بصراحه هى خفيفه وسكرها خفيف وحلوه الصبح مع الشاى

يا سييييييدى على الاختراعات, ايه بس الوحى بيطلع بالليل ؟؟؟ تسلم ايدك يا سماح

تسلم الايادى يا ام نور
على فكره اللبن الرايب بيدى طعم رائع للكيك
والزبادى بيخلى الكيك هش
يا ريت تفضى التلاجه كل يوم علشان اتعشى
الطبق لى طبعااااااا

كتبت بواسطة chahira

يا سييييييدى على الاختراعات, ايه بس الوحى بيطلع بالليل ؟؟؟ تسلم ايدك يا سماح

هههههههههههههه ايوه شفتى الالهام بتاعى
تسلميلى يا شوشو ربنا يخليكى

كتبت بواسطة شخبط شخبيط

تسلم الايادى يا ام نور
على فكره اللبن الرايب بيدى طعم رائع للكيك
والزبادى بيخلى الكيك هش
يا ريت تفضى التلاجه كل يوم علشان اتعشى
الطبق لى طبعااااااا

اهلا يا شخبوطه ازيك
فعلا عندك حق انا اول مره اجرب اللبن الرايب بس فعلا طلع جميل جدا ولو تعرفى ده نوعه ايييييه ههههههههههه (أكتيفيا ) كمان عشان الكيكه تتهضم بسرعه
تسلميلى يا قمر
شكرا لمرورك

مشاء الله صحتين يا ام نور
ياريت تبعتيلي حته على الهوا

مشاء الله حلوه تسلم الأيادي سمسمه

باين عليه لذيذ وهش

تسلم الأيادي يا رب

ماشاء الله انت ياام الافكار
شكلها رهيب وطالعه معاك تجنن
تسلم ايدك وبالهناء علي قلوبكم

كتبت بواسطة نسائم حائره

مشاء الله صحتين يا ام نور
ياريت تبعتيلي حته على الهوا

تسلميلى يا ام دارين
انتى تؤمرى انا اعملك احلى طبق وابعتهولك يا قمر