انا نويت اعمل كيكة انهاردة
ومرة شفت هنا بالمنتدى
كيكة استخدمت فيها صاحبتها باكو فروتى (العصير المجفف زى التانج كدة )
وطلع لونها برتقالى كدة وكان شكلها جميل
ممكن تقولولى مقادير الكيكة دى
واذاى استخدم فروتى مع باقى المكونات
يعنى احطه امتى بالظبط
فى انتظار ردودكم ياخبيرات ركن الحلويات

ما عرفتها بصراحة

إن شاء الله يفيدوك المشرفات العزيزات

سامحيني حبيبتي ما مرت علي هالكيكة بالمنتدى...بس طبقا لفهمي لسؤالك أذا فهمت صح فبإمكانك عمل التالي:
1) 3 بيضات -فانيليا
2) 1/2 كوب سكر 3/4 كوب زيت
3)1 1/2 كوب دقيق - 2 م ص بيكنج بودر
4)كيس بودرة عصير برتقال اللي بتقولي عليه يذوب في كوب ماء

الطريقة:
تخفق مكونات رقم 1 لمدة 7 دقائق.
يضاف عليها مكونات رقم 2 و يستمر الخفق حتى يبيض المزيج و يصبح كريمي...
ينخل مكونات 3 و تضاف على المزيج بالتناوب مع مكونات رقم 4 حتى يصبح لديك عجينة الكيكة كالمعتاد لا صلبة ولا سائلة كالماء..

تصب في صينية مدهونة زبدة و مرشوشة بالدقيق و تدخل الفرن في الرف الأوسط على حرارة متوسطة حتى تنضج و ذلك بغرس عود كبريت بها فأذا خرج نظيفا فقد استوت ..

تبرد قليلا و تقلب في صحن التقديم...


وصحتين و عافية

إذا عجبتك طريقتي نفذيها و نزلي صور تطبيقك حبيبتي حتى يستفيد الكل...

تحياتي:
درة الوجود

وينك يا أصالة؟

والله يا حبيبتي بجد المنتدي مليان بكل ما هو رائع وان كان معداش عليه كيكة بعصير فروتي برتقال ب نصيحتي ليكي اعمليها بعصير برتقال وهتبقى صحية اكتر وطعمها حلو ولونها برتقالي رائع وبصي عشان احاول افيدك انا هديكي طريقة كيكة البرتقال بتاعتي على امل تعجبك وانا لسه هنزل الصور بتاعتها قريب وبسويها في صينية الكيك او قوالب الكب كيك اسهل ومقاديرها انا خدتها من مجلة اتنشرت في المنتدى
23/4 ك دقيق
2ك سكر
1ك عصير برتقال فريش
1/2 ك زيت ذرة
1معلقة كبيرة برش برتقال
1/2 معلقة برش ليمون
4 بيضات
كيس فانيليا
2 معلقة صغيرة بيكنج بودر
يضرب البيض حتى يتغير لونة ثم نضيف السكر ويضرب حتى يصير الخليط كالكريمة ثم نضيف العصير والزيت وبرش الليمون والبرتقال ويضرب جيدا ثم ينخل الدقيق مع البيكنج بودر ويضاف بالتدريج للخليط السابق حتى يختلطوا جيدا
ويضصب الخليط في الصينية المدهونة بسمن نباتي ومرشوشة بالقيق او يصب في قوالب الكب كيك على الورق فقط وتدخل فرن محمى من قبل على حرارة 180 لمدة 40-45 دقيقة واذا سويتيها في قوالب الكب كيك تدخل الفرن 15 دقيقة فقط وتختبر وتترك اتبرد ثم تزين بالكريم شانتيه فقط ويرش عليها شيكولاته فورماسيلا الوان وبالهنا والشفا وابقي قوليلي رايك لو جربتيها

بصراحة انا ما عرفتها حا ابحت عليها وقولك

درة الوجود انا بشكرك اوى على ردك عليا واهتمامك
واسفة انى اتأخرت عليكى
بس انا لسة شايفة الموضوع حالا
انا كنت محتاجة طريقة الكيك فى نفس اليوم اللى نزلت فيه الموضوع
وعشان ماحدش رد عليا يومها عملتها من دماغى والحمدلله طلعت جميلة

شكرا radwa على الرد والاهتمام
واكيد بالبرتقال حلوة بس احنا فى صيف يعنى البرتقال مش متوفر
شكرا جميلة الكون يكفينى ردك