حــلا الشامــواهـ من أمــورهـ اكشخي فيه عند ضيوفك [ بالصور ]
:
:
يا هلا والله = )
:
المقاديـــر :
للطبقة الأولى :
- كيك اليمامة بالفانيليا أو الكاكو ( عدد الحبات يعتمد على حجم الصينية )
ولو جربتي بكيك ثاني مافي مشكلة احسه بيطلع حلو كمان
للطبقة الثانية :
1 و نص كوب ماء
بكت كريم كرامــيل
17 حبة بسكويــت
1 ملعقة نسكافيـــه
1 علبة قشطـــــــة
3 ملاعق حلــــيب
للطبقة الأخيرة :
3 ملاعق كاكو بودرة ( طبعاً لا تنسين الصفاية جيبيها معاكِ)
ويلا نبدأ بسم الله :
أو شي طبعاً نفك كيك اليمامة من الوسط وراح يكون عندنا قسمين ونرصها في الصينيه
و إذا كنتِ حابه تستخدمي كيك ثاني زي كيك العائلة مثلاً قطعيه زي الشراح ورصيه المهم انه يكون الطبقة الأولى .
:
:
نحط في الخلاط حبات البسكويت و علبة القشطة و ملعقة النسكافيه ونخلطهم تمام
:
:
نخليهم ونروح نجيب قدر ونحط فيه الكاس ونص ماء و 3 ملاعق حليب و 2 كريم كرميل ونقلبهم لما يغلي
بعد ما تغلي نحطهم مع الخلطة اللي في الخلاط ونخلطهم مع بعض
وبعدين نضعها على الطبقة الأولى وهي حارة
:
وبسرعة نجيب الكاكو بودرة ونمشي الصفاية على اجزاء الصينيه عشان يتوزع الكاكو تمام وما يتكتل وتكون مثل الشامواه طبعاً أنا مره تكتل معاي وقهرني !!
وانتبهي لا تكثري كاكو لأنه مر بعدين خليه 10 دقائق
و دخلي الصينية في الثلاجة لما تبرد .
:
:
:: وقت التقديم ::
ابدعي في التزيين ويطلع معاكِ كشخة
المهم أنا عشان صاحبة ماما جايه قطعته على شكل دوائر ولأن ما كان عندي قطاعة قطعته بالكاسة و طلع تمام
وفي التزيين تقدري تحطي عليه نص فراوله أو حبه مالتيزرز أو حتى ميني أم اند امز
و الصوص اللي تحبي بس أنا افضل دايم حليب النستله
طبعاً الثالثة كان فيها ام اند امز بس رحت وجيت مالقيت شيء
:
و طلع الشكل النهائي تُحفة وبيّض وجهي
وبالعااااااافيه عليكم يا رب ^_^
للأمانة طريقة الحلا عجبتني بإحدى المنتديات وجربته وما ندمت
:
:
رد مع الاستدلال
الروابط المفضلة