الي عايزة تدوق بسبوسة افخم المحلات تتفضل ومش هتندم
طبعا فالبدايه هعتذرلكم لان مفيش صور لكن اوعدكم انه لما تجربوها هتنسوا الصور وتفتكروا الطعم بس البسبوسه بس زودت زوجي 20 كيلو ............
اولا طبعا لازم الفرن محمى على 180 والصينيه مدهونه وتحطي ورقة زبده وكمان تدهنيها
المقادير :
كوب سميد
ربع كوب جوزهند
ربع كوب زيت او سمنه انا بحط الاتنين
فانيلا
ملعقة بيكنج بودر
اقل من ربع كوب سكر
ملعقه كبيره عسل
شويه ماء
الطريقه
نخلط المقادير الجافه كلها سوا والمقادير السائله كلها سوا ونحركها كويس ونحط مقدار 2ملعقه او 3 ماء اهم حاجه والخطوه الي تخلي البسبوسه تفشل انه لما نحط المقادير السائله على الجافه مانحرك كتير بس تقليبتين تندمج وبتكون مفرفطه مش متماسكه ونحطها فالصنيه وترصيها كويس يعني تضغطي عليها كويس بعدين بالفرن
القطر او الشراب
كوب سكر على كوب ماء وعصير نصف ليمونه بعد الغليان
اول متطلع البسبوسه نحط عليها القطر وهوه سخن
طبعا مش كل الكميه نصفها تقريبا بعدين نسيبها تبرد ونقلبها بصحن التقديم ونشيل ورقه الزبده ونرجعها
الي مش عايز يقلبها بلاش والي مشعايز ورقه الزبده كمان بلاش انا بستخدمها علشان تطلع قالب واحد واقطعها براحتي
الي حابه تحط مكسرات تحطها قبل متدخل الفرن والف صحه وعافيه
مش هتندمواااااااااااااااااااااااااااااااااااااااااا
رد مع الاستدلال
الروابط المفضلة