السلام عليكم و رحمة الله و بركاته
شلونكم خواتي شخباركم
هذا احد الاطباق الي اشتركت فيها بمسابقه و فزت المركز الثاني
مع العلم انه ما اخذ مني ربع ساعه شغل ايد
سهل سهل سهل و بارد و خفيف يعني ما يقعد على الجبد
المقادير:
3 علب جيلي ( النوع حسب ذوقك انا احب الليمون الاخصر لان طعمه منعش)
علبه و نص قيمر (حجم العلبه 250g)
و3 اكواب ماء ساخن
و بس


الطريقه:
يخلط الجيلي مع الماء الساخن ثم يضاف اليه القيمر على دفعات و يخلط بخلاطة اليد جيدا
يوضع بالثلاجه لمدة 4 الى 5 ساعات
يمكن ان يزين بقطع من الفاكهه الي استخدمت نوع الجيلي تبعاها (اذا تسوينه مثلي بالليمون الاخضر زينيه بليمون اخضر و نعناع )
انشاء الله يعجبكم

فعلا سهل كتييييييييييييير ورائع
والحلو فيه انه منعش
لكن الليمون اللي تزيني فيه ما يعطي مرارة للطبق ؟
وهل نضعه بقشره ولا لاء ؟
سامحيني ازعجتك
وتسلم اديكي

مشكورة اختي ويعطيك العافية

مشكـــــــــــــــوره جدا ياأخت شوقــــــــــــــه
على هالحلى السهل جدا وبيان عليه مايحتاج وقت
وهذا الحلى المطلوب
وأكيد بيعجب الجميع

شكرا للاطراء خواتي
و يا دموع الحزن انشاء الله ما تشوفين حزن التزيين ما بيصير الا فوق الطبق و ممكن يعطي مروره بس مستحبه يعني حلوه انا احبها و تحطيه بقشوره و ممكن تسوين مثل امي تغمش الليمون بالسكر عدل عدل سكر ناعم طبعا و تزين فيه بعدين بس يمكن لاني ما احب الحلو وايد ما اغمسه بالسكر

مشكورة اختي على هذا الطبق الجميل والسهل وانشاء الله اجربه واقولج رايه فيه

مشكووووووووووووووورة أختي شوقه
وانشالله بجربه

يالله يا بنات خبروني شيصير معاكم

إلى الأخت شوقة....
مشكووووووووووووووووووورة على هذا الطبق الحلو
و الصراحة انا سويته اليوم العصر و كليناه انا و اسرتي بعد الفطور و كان رووووعة ....
بس في مشكلة صغيروونة....
لمّا خلطت القيمر مع الجيلي و الماء و صبيته في وعاء التقديم لاحظت بأنه تكونت طبقتان طبقة القيمر و الجيلي فوق ، و الجيلي بروحه تحت ! لماذا حصل معي هذا ؟؟؟؟؟
صج إنه صار شكله حلو بس آنا كنت أبيه سادة.....

و شكرا لك
وآسفين على الإزعاج.....

السلام عليكم
قوه طمطومه
حبيبتي انا بالاول صار معاي جذيه لاني ما اخلطه عدل انتي لما تخليطه حتى لو حستي انه اختلط قعدي خلطي اكثر و اكثر و بيني و بينج الطبقتين احلى
و بعد في سبب ثاني اخيتي يخليه ينفصل اهو انج تحطينه بالثلاجه انا نسيت اكتب هالملاحظه
ذكرتيني الله يذكرج بالشهاده حطيه بالفريزر فما يمديه ينفصل على طول يمسك بس انتي عاد مو تخلينه يصير ثلج مثلي يعني اذا حسيتي ان بقاله نص ساعه و يخلص نزليه الثلاجه
انشاء الله اكون نفعتج