المقروض الليبي:-
كوب دقيق+كوب سميد نبتبتوهم بالزيت يعني نعجنوهم لين يولوا عجينة بس مش هلبة ( كثير )زيت نضيفوا بالشوية مش مرة وحدة ( تترك ترتاح ساعة أو اكتر )
بعدين ناخذو عجينة بالشوية و نحوطولها شوية Baking Powderو شوية عطر و الا روح عطر يعني نعجنوا الكمية اللي خذيناها و كل مرة ناخذوا شوية بس نديروا اللي درناه الاول يعني نحوطوا التمر و التمر يكون مش معجون لان ييبس لما يخش الكوشة المهم نحوطوا التمر و نلفوا و نقص و نواسي و ننقش و في الكوشة اين يولي لونه ذهبي بس و نعسل و هو سخون
عسل ( القطر )المقروض= كوب سكر+كوب و ربع ماء + قطرات ليمون يغلوا على النار
البكلاوة الليبية:-
المقادير.......
4 أكواب دقيق + 4 ملاعق زبده لي حاشيت الكاشيك + نشاء + ملعقة بيكنباودر
الطريقه.......
نحطو الاربع أكواب دقيق في كروانه و نحركوهم مع ملعقة البيكنباودر لين نحسوهم تخلطو زين و
بعدين نزيدوهم الاربع كواشيك زبده و نفركوهم في الدقيق لين نحسو الدقيق شربهم و نصبو
المياه شويه شويه و نحركو العجينه لين نتحصلو علي عجينه متماسكه لا هي رطبه ولاهي
كاسحه و نزيدو نعجنوها زين كل معجناها زين كل متطلع أحسن علي العموم نقسمو العجينا الي
طلعة عندنا لي نصفين واحد اكبر من الثاني بي شويه و نقسمو النصفين لي كور صغار أكبر من
البطشه بي شويه و نحطوهم كل 5 مع بعض و نفتحوهم علي شكل دوائر بقطر 5 ألي 6 سم و
نمرغدوهم في النشاء و نحطوهم فوق بعض 5 فوق 5 زي ما قولتلهكم نفتحوهم بالنشابه مع
بعض علي حجم الطاجين و نحطوهم في الطاجين المدهون بالزبده فوق بعض راهو هدو
المجموعه الاولي الي هيا أقل و نحطو المكسرات اللي نبوهم و لي هما الفستق و اللوز و الحب
زقوقي علي حسب الرغبه متاعك و بعدين نجو للمجموعه الكثر و نفتحوهم بي نفس
الطريقه الاولي و نحطوهم فوق المكسرات و قبل ما ننسي نرشو سكر علي المكسرات باش
لما تطيب البكلاوه المكسرات تقعد متماسكه مع بعض و لما نكمل حطان الطبقات الفوقيه في
الطجين متاعنا نجو للقصان و القص لازم يوصل لي قعر الطاجين متعنا و بشكل جميل و أني
نعرف ذوقكم طبعا يا ماما مشاء الله عليه نصبو الزبده السايحه لين تغطي كل الطاجين متاعنا و
نحطوه في الفرن في النص علي درجة حراره 180 درجه ويا ريت أقرب للقعر متاع الفرن و
نخلوها لين تطيب و تتحمر من فوق و نطلعوها من الفرن و نصبو عليها العسل طبعا نغرقوها
بالعسل لي أن البكلاوه تشرب هلبا العسل و نخلوها لين تبرد و تاكلوها بالهني و الشفي أنشاء
الله
علي فكره حتي السمن راهو تقدرو تستخدموه بدل الزبده و يطلع طعمها أحلي و أحلي بس أني معنديش سمن هنايا هذا علاش نستخدم في الزبده المالحه شويه و طبعا كل متكثري الزبده ولا السمن تطلع أحلي

كعك زهر
المقادير
طاسة زهر طاستين زيت دقيق ما يعجن ملعقة كبيرة خميرة بكنغ باودر شوية جيجلان (سمسم) و سكر بودرة للتلبيس
الطريقة
يخلط الزيت و الزهر و بعدين يضاف الدقيق و الخميرة و ينعجن بعدين ينحط الجيجلان و تنسبك العجينة كويس تتشكل على هيئة اصابع او دوائر صغيرة حسب الرغبة و تخبز في الفرن و بعد ما تبرد تتلبس بالسكر

الجيجلانة
المقادير
طاسة و نص جيجلان طاسة زهر طاسة زيت طاسة زبدة ظرف بكينغ باودرفانيلا ملعقة كبيرة سكر ناعم دقيق ما يعجن
قطر للتعسيل
الطريقة
نحطوا المقادير الجافة( الخميرة ، الجيجلان ، الدقيق ، الخميرة ، الفانيليا ) و نخلطوها مع بعض طبعا الدقيق حطي اربعة طواسي لكن بعدين بنزيدوا و بعدين نحطوا الزبدة و نخلطوا و بعدين الزيت و أخيرا الزهر و نزيدوا الدقيق و نعجنوا لين تولي العجينة متماسكة و الأحسن تكون يابسة شوية و بعدين تنبرم و تنقص زي المقروض تنحط في الفرن ليت تتحمر و بعدين تتعسل و تقدر تغطسها بجوز الهند لو تبي

كعك مظفور
المقادير
كوب زيت كوب زبده او سمن نصف كوب عطر بيضه وتلاته ملاعق سكر ناعم طبعا وضرف او ملعقه بيكج بودر وما يعجن دقيق
طبعا العجينه ما اتكونش يابسه اتكون متوسطه وصبغه طعام او كاكاو
الطريقه
بعد ما اتخلطى المقادير مع بعضها(الا الكاكاو )تقسميها بالنص و بعدين تاخدى واحد من العجينه واديريله كاكاو ولا الصبغه طبعا اللون حسب الرغبه بعدين ياحنه تبرميهم زي الكعك وتلويهم مع بعضهم والشكل اللى ايريحك بعدين اتطييبيهم فى الكوشه و اتعسليهم ولا ادبريهم بالسكر الناعم

كعك للفطور
المقادير :
كيلو دقيق بيضتين ملعقه كبيرة خميره امدوبه فى الماء كوب حليب نيدو(بدون ماء) وظرف بيكج بودر ماء مايعجن
الطريقه
تهجن المقادير مع بعض حتى تصبح عجينه متماسكه ودعيها تخمر لمده من 3 الى 4 ساعات مره مره اعجنيها باش تخمر مره تانيه
بعدبن اتحليها زى الرشده وسمكها 1سم تم تقطع دوائر وزى الكعك وبعدين تقلى الكعك فى زيت يكون الزيت اسخون هلبه وتم يغطس فى السكر مباشرا

بسكويت جوز الهند
تلاته ارباع كوب زبده تلاته ارباع كوب سكرناعم واحد ونصف كوب دقيق
الحشو ( كوب سكر ملعقتين كبار دقي نصف ملعقه بيكج بودر نصف ملعقه صغيره ملح نصف ملعقه صغيره فانيليا نصف كوب جور الهند
الطريقه
اول حاجه انجو للعجينه انخلطالزبده والسكر زالدقيق ونسبكهم كويس وبعدين نفردهم على الطاجين مش مدهون اندجله للفرن ربع ساعه طبعا ايكون الفرن او الكوشه سخونه وبعدين انخلط الحشو كله مع بعضه وبعد ما اطيب العجينهانحط الحشو فوق العجينه وانساويه وانرده فى الفرن تلت ساعه وخلى وجه يتحمر وقصيه مستطيلات وخليه لين بيرد

باتشى
المقادير:
2 و2|1 كوب زبده2|1 كوب زيت2 بيضه1 بياض بيضه ربع كوب سكر ناعم ملعقتين نشا نصف ملعقة صغيرة بيكنج بودر.
الطريقة :
تخلط المقادير السابقة جيدا ثم يضاف اليها الدقيق حتى تتماسك فنشكلها على شكل كرات ونضع داخل كل كرة حبة بندق بعد النضج ستظهر العجينه على شكل كرات نغمس كل كرة فى شكلاتة سوداء ونرش عليها بسكوت مهروس .

كوكبرنج
المقادير:
2 بيض كوب نشا كوب سكر ناعم كوب زبدة ملعقة كبيرة مسطح بكنج بودر فانيليا2 – 3 اكواب دقيق
الطريقه:
تخلطي المقادير وتفرد على طاول وتشكل دوائر وتخبز بعد النضج تغطس نصفها في شكلاتة

بسكوت مالح
المقادير:
كوب زبدة كوب زيت ملعقة صغيرة خميرة فى كوب ماء رشه خفيفة بيكنج بودر
الطريقة:
تخلط المقادير السابقة مع الدقيق جيدا لتعطى عجينه لينه
ونضعها تتخمر لمدة نص ساعة على الاقل ثم نقوم بفرد العجينه رقيقة جدا جدا ونشكلها على شكل مربع كبير شوى ونضعا فى الطاجين(وعاء الطهى) ونحضر شوكه ونعمل حفر صغيرة داخل كل مربع ونرش كل مربع بشوية ملح ثم نضعه فى الفرن

عمل أصابع الكورن فليكس
المقادير
كوب بودرة كستردة كوب زبدة كوب سكر بيضة الدقيق حسب العجن ( تكون العجينة وسط ليست رخوة وليست سميكة )
للتزيين شوكلاتة بيضاء كورن فليكس ( مهروش )
الطريقة
1- تعجن المقادير كلها مع بعض ثم تشكل على هيئة أصابع.
2- توضع فى الفرن حتى تنضج ثم توضع فى الشكلاتة البيضاء ثم فى الكورن فليكس المطحون قليلا.

لقمة القاضى
هذى جربناها وطلعت تهبببل وساهله وبدون تخمير ..
المقادير:
1كوب دقيق –1كوب لبن دافىء ( لانه لو اللبن مصقع يطاير الزيت فى القلى ) 1 ملعقه كبيره bb
الطريقه:
تخلط المقادير وتقسم كورات صغيرونه باليد وتقلى وتعسل وهى ساخنه

الزلابيه
المقادير:
2كوب دقيق – 1 ملعقه كبيره سكر – رشة ملح – صفار ثلاث بيضات – نص كوب زبادى – نص كوب سكر ناعم – فانيليا
الطريقه:
تعجن وتقلى بالطريقه المعروفه

فيونكات السميد
المقادير:
1كوب دقيق – 1 كوب سميد – نص كوب زيت – 1ملعقة حليب نيدو – ثلاث ارباع كوب ماء – 1 ملعقة صغيره bb – فانيليا – سمسم
الطريقه :
تعجن المقادير وتترك نص ساعه تفرد بالعصا وتقطع مستطيلات صغيرونه تكمش كل حبة من النص على شكل فيونكه تقلى وتعسل

اللؤلؤة
المقادير:
½ كوب زبدة او سمن – ¼ كوب سكر ناعم – بيضة – ملعقة فانيليا – رشة ملح – ½ 1 كوب لوز او بندق مطحون – ملعقة ماء زهر – ½ ملعقة صغيرة BB – 2 كوب أي نوع من المكسرات مهروش – ½ 1 كوب دقيق – شكولاتة بيضاء
الطريقة
تخلط الزبدة او السمن مع السكر ثم يوضع البيضة و الفانيليا و الملح و ماء الزهر و تخلط جيدا ثم تعجن المكسرات و الدقيق و الخميرة
تعمل على شكل كرات توضع في الفرن حتى تنضج تلبس بالشكولاتة و تغمر في مهروش المكسرات

شباك حبيبي
المقادير:

4اكواب دقيق – ¼ 1 كوب سكر عادي – ¾ كوب زيت او زبدة سائحة – 3 بيضات – ملعقة فانيليا – ½ كوب حليب او عصير برتقال – ملح – ملعقة صغيرة خميرة BB – ½ كوب مربي – كوب مكسرات مهروشة
الطريقة
تخلط المقادير ثم تفرد العجينة في الطاجين و يترك جزء صغير من العجينةيدهن الوجه بالمربي و المكسرات ثم يضاف قليل من الدقيق على جزء العجينة المتبقي و يصنع منه شرائط و توضع على الخليط السابق في شكل شرائط مربعة ثم توضع في الفرن متوسط الحرارة

آيس كريم
المقادير:
3 اكواب ماء – 4 ملاعق سكر – 3 ملاعق نشا – ½ 1 كوب حليب نيدو – نكهة فانيليا – لون – كاكاو – مكسرات
الطريقة
يؤخذ كوب و نصف ماء على النار ثم يذاب النشا في قليل من الماء و يوضع في الماء على النار حتى يغلظ و يترك ليبرد
يضرب في الخلاط ½ 1 كوب ماء و السكر و الحليب و نكهة الفانيليا و يضاف الخليط السابق من النشا الى الخليط في الخلاط و يترك لمدة دقيقة
يؤخذ مقدار من الخليط و يترك على جنب
يقسم باقي الخليط الى قسمين احدهما يوضع فيه ملعقة كاكاو و الثاني يضاف اليه لون
ثم توضع الانواع الثلاثة في الفريز و يغرف في صحون و يرش بالمكسرات

اصابع الذرة الثمينة
المقادير:
كوب سمن – ½ كوب زبدة سائحة – بيضة – ملعقة فانيليا – كوب جلجلان – ½ ملعقة قرفة – ¼ كوب سكر ناعم – ملعقة صغيرة BB – عسل – مكسرات مبروشة – 4 اكواب دقيق للعجن
الطريقة
تعجن المقادير بالدقيق ثم تشكل اصابع او على شكل كرة تخبز في الفرن حتى تنضج تغمس الاصابع في العسل و تغمر في المكسرات او الجوز الهند

بسكويت فلة
المقادير:
كوب زبدة – ½ كوب سمن – ¾ كوب سكر – 2 بياض البيض – 4 اكواب دقيق – ملعقة فانيليا – ملعقة صغيرة BB – ½ كوب مكسرات
الطريقة
تدعك الزبدة و الزيت و السكر و يضاف بياض البيض و الفانيليا و يعجن بالمكسرات و الدقيق و الخميرة ثم يشكل حسب الرغبة و بعدها توضع في الفرن ثم يغمس في الشكولاتة السوداء و البيضاء

بسكويت المرجان
المقادير:
2 كوب زبدة – ½ كوب سكر ناعم – بيضة – ملعقة فانيليا – ½ ملعقة صغيرة BB – تمر معجون – شكولاتة ذائبة – كوب فستق – كوب لوز مهروش – دقيق حسب العجن
الطريقة
تعجن المقادير جيدا ثم تفرد العجينة و يوضع التمر ثم تلف اصابع و توضع في الفرن حتى النضج و بعد ان تبرد تغمس في الشكولاتة و يلف وجه بالفستق و الاخر باللوز و تقدم مع القهوة
ام همام السلفية

تسلم ايدك

صحيتى ياوخيتى عليهم

ياسلملي هالليبيه
ليا زمان علي الهدرزه الليبيه
تسلم ايدك حبوبه

مشششششششششششكورة
ملف اكثر من رررررررائع

الله على ايام شباك حبيبى باين عليك موسوعة حق فى الحلويات الليبية باهى ياريت تعطينى طريقة الكعك الحلو اللى فيه منياكا هداكه ونبيه يتهسهس (معليش الكلمة هادى ساعة نعصر بش تفكرتها) هههههههه حال الغربة خلتنا ننسو كل شى الله ايعينا واياك

وسامحينى دويت هلبة

وبارك الله فيك

تسلمي الف شكر

ماشاء الله موسوعة رائعة
بس يا ريت صور مرفقة للحلويات