●•°حلى متميز°•●تعالوا نبارك للغالية ***لونلي***
السلام عليكم و رحمة الله و بركاته:
مرحبا يا حلوات
أختنا الحبيبة لونلي
فاجئتنا بخبر حلو كتير و هو أن الله رزقها بطفل أمور و حلو من أسبوع و قامت بالسلامة
و بالأصالة عن نفسي و بالنيابة عن الصبايا
حبيت قدملها هالضيافة المتواضعة..
معليش قصرنا بحقك يا لنلون
بس أنت كبيرة و بتعذري...
ربي يجعله من الصالحين البارين و تفرحي فيه أنت و أبوه و تفرحي بأخوته
و ترجعوا لبلادكم سالمين غانمين
أولا"- المدلوقة بالقشطة:
المقادير:
1 و1/2 كوب سميد
1 كوب طحين
1 و 1/2 كوب سمنة
1 كوب سكر
( 6-8) أكوب ماء+ماء زهر+ ماء ورد
الطريقة:
*بالأصل المفروض تنعمل المدلوقة من عجينة الكنافة
منجيبها و منفرمها ناعم، و للسهولة رح نستخدم المواد السابقة.
* قبل ما نبدأ لازم نحضر القشطة بحال ما توفرت القشطة العربية
و التحضير كما يلي:
نضع على النار 5 أكواب حليب كامل الدسم و نتركها تغلي
عندما تغلي نضيف نصف ملعقة صغيرة ملح الليمون و نتركها تستمر بالغليان حتى يتخثر الحليب و ينفصل الماء
* لاحظوا كيف تشكلت كتل بيضاء و نسميها عادة الأريشة
* نطفي النار و نترك القشطة على جنب حتى تبرد.
* بعد أن بردت نصفيها بمنخل ناااعم و نحصل على الأريشة
يلي رح نستخدمها للقشطة و ممكن نعمل منها جبنة
و هي الأريشة جاهزة و كرمال عيون جماعة الأكل الصحي رح نضيف علبة قشطة نستلة
هههههههه
حرام المخلوقة ولدانة جديد و لازمها غذااا
* نرجع للمدلوقة
* في وعاء على النار نضع السكر و الماء .
* لما يدوب السكر نضيف السمنة.
* لما تدوب السمنة نضيف السميد و الطحين و نحرك بسرعة حتى لا تتشكل لدينا كتل و نحصل على عجينة متماسكة طرية و اذا لقيناها صارت سميكة نضيف كاسة ماء و نحرك على نار هادئة.
* نسكب العجينة يلي حصلنا عليها بصينية و نتركها تبرد
نمد فوقها القشطة ولازم تكون القشطة بسماكة العجينة
* الآن نغطي الوجه بالفستق الحلبي المفروم
و منكون مجهزي القطر مسبقا" و عند التقديم كل واحد بيحط حسب رغبته بصحنه
و ألف صحة و هناا
و هاي القطعة للغالية لونلي
تفضلي حبيبة قلبي:
اتمنى يعجبوك
****************
و تفضلي باقي الضيافة:
كيكة الكسترد على طريقة القمر لبنان و حبايبه بس عملتها بالكب كيك
أحسن مشان الأولاد
موازييك الجيلي بالزبيب و الفستق
الحمدلله على سلامتك.زو ألف صحة و هنااا
على قلبك و قلب الجميع
رد مع الاستدلال
كتبت بواسطة سمسماية
الروابط المفضلة