بسم الله ما شاء الله لا قوة إلا بالله
لكل الحبايب اللي طلبوا مني طريقتي بكيكة الفراولة يا رب تعجبكم و تنال الرضا
و أخيرا كيكة الفريز اللي كانت إحدى الأصناف الموجودة في البوفيه اللي نزلت صورته من فترة
و كمان أنت بحاجة لمقدار من الكريما الأنكليزية و طريقتها سهلة كتير
مقاديرها
علبة دريم ويب أبيض ( أو ما شابهها )
كوب حليب بارد
و كمان 1 ملعقة كبيرة جيلاتين مذابة بشوية ماء ساخن
و كمان كوب كريم باتيسيير بارد من التلاجة
طريقة الباتيسيير
أولا حطي 1ونص كوب حليب في خلاط العصير و حطي عليه 1-2 ملعقة كبيرة سكر ( حسب رغبتك بدرجة الحلاوة ) و بيضة و ملعقة كبيرة مملوءة كورن فلور و طبعا لا تنسي الفانيليا و اخلطيهم جيدا و بعدين حطيهم بقدر و على النار مع التحريك المتواصل حتى لا تلتصق و تابعي التحريك حتى تثقل الكريما و اتركيها تبرد تماما
المرحلة الأولى بتجهيز كيكة الفراولة هي قص الكيكة إلى 3 شرائح
جهزي قالب الطوق ( القابل للفك ) و حطي على الجدار الداخلي شريحة من النايلون السميك
حطي أول شريحة من الكيك و رطبيها بقليل من الحليب البارد أو العصير
حطي عليها ثلث كمية الكريما و بعدها كمية من الفراولة المقطعة و كمان حطي أنصاف فراولة على المحيط بحيث يكون مكان القطع ملاصق للجدار
كرري نفس العملية بالشريحة الثانية و كمان بالشريحة الثالثة بدون وضع أنصاف فراولة على المحيط و أخيرا مدي باقي الكريما على الوجه
دخليها عالتلاجة حوالي ساعة حتى تشتد الكريما و بالتالي ما تنغمس أنصاف الفراولة بداخلها
بها الوقت ذوبي نص باكيت جيلي فراولة بحوالي نص كوب ماء ساخن و اتركيه يبرد شوي
بعد ما تبرد الكيكة زينيها بأنصاف الفراولة و رشي عليها الجيلي المذاب رح تحصلي على لون و طعم و لمعة روعة على حبات الفراولة
عند التقديم فكي قالب الطوق أزيلي النايلون عن محيط القالب بهدوء و إذا حبيتي ممكن تتركي المحيط بدون تغطية و منظرو كتير حلو متل ما شفتي بالصورة
و ممكن تحطي عالداير شريط عريض من اللي بنلف فيه الهدايا و ممكن تحيطي القالب بنوع من أنواع البسكويت اللي على شكل أصابع أسمه Lady fingers أو أي ديكور بتحبيه
جربيه و شوفي كيف رح تحصلي على ألذ كيكة فراولة بالعالم بإذن الله
ما شاء الله لا قوة إلا بالله
الروابط المفضلة