السلام عليكم ورحمة الله و بركاته صباياااا
قبل يومين كنت على النت بدور على الوصفة الاصلية لكعكة الجزر ولقيت هذه الوصفة في موقع اجنبي وكان عدد الناس اللي مطبقينها فوق ال 25 شخص وكلهم مدحوها بشدة و عجبتني الفكرة لانه كنت ذايقة كعكة الكوسا من قبل وعجبتني , بس لاني بموووووووت في كعكة الجزر لقيتها كيكة سهلة وبتضرب عصفورين بحجر !!
المقادير:
كوبين سكر
كوبين طحين
ملعقة شاي بايكنغ باودر
ملعقة شاي بيكنغ صودا
نص ملعقة شاي ملح
ملعقة شاي قرفة
ربع ملعقة صغيرة قرنفل
كوب زيت
4 بيضات
فانيللا
3|4 كوب جوز مفروم خشن
كوب ونص كوسا مبروش خشن
كوب ونص جزر مفروم خشن
الطريقة:
نخفق البيض و السكر و الزيت والفانيللا جيدا
نخلط الطحين والبهارات و البيكنغ باودر والبايكنغ صودا
نضيفهم بالتدريج للبيض ,ستحصلين على قوام ثقيل للخليط
اضيفي الخضار ( الكوسا و الجزر ) و الجوز وقلبي بملعقة حتى تختلط المواد جيدا
ضعي المزيج في وعاء مدهون ومرشوش بالطحين
انا ضفت على الوجه رشة زبيب
ادخلي الى فرن حامي مدة 50 دقيقة
يزين بالسكر الناعم او كريمة الجبن
حبيباتي الكيكة طلعت خرافية لانها هشة كثيييييييييييييييييير ومش كثير حلوة . المرة الجاي رح ازيد البهارات شوي واعمل الكمية كاااملة لانه اليوم عملت نصها بس كتجربة و الحمد لله طارت بلحظتها!
جربوها و ادعولي ودمتم سالمييييييييييين
الروابط المفضلة