السلام عليكم و رحمة الله و بركاته
الله يسعد أوقاتكم بالخير و البركة
جنى بنت سوسن بتحب الكيك الملون متل كل الأطفال و بتضل تنق و تزن على أمها تعملها كيك ملون
و أنا بصراحة حبيت هالبنت على محبة أمها و حبيت أهديها هالكيكة
و أتمنى تعجبها و تعجبكن كمان.
أنا سميتها
كيكة الرقم 2
لأن كل مقاديرها طلعت معي ...شوفوا كيف:
المكونات:
2 بيضة
2 كوب طحين
2 كوب سكر
2 م ص فانيليا
2 م ص بيكنغ باودر
2 فنجان قهوة زيت نباتي
2 م ك جوز هند
2 م ك حليب
ألوان طعام
الطريقة:
* البداية متل كل طرق الكيك..نخفق البيض مع السكر و الفانيليا...ثم نضيف باقي المكونات بالتدريج حتى نحصل على خليط سميك
* نقسمه أربع أقسام و نضيف لكل قسم ملون طعام.
* القسم الرابع تركته بدون لون و أضفت له جوز الهند.
* نحضر قالب الفرن و ندهنه بالزيت ثم نرش الطحين
و نبدأ بسكب كل خليط على شكل دائرة و حولها الون التالي و هكذا..يجب أن الخليك سميك قليلا" حتى لا تختلط الألوان ببعضها.
نخبزها في فرن متوسط الحرارة و محمى مسبقا"
حوالي(30-45) دقيقة
و هي بعد ما طالعناها من الفرن
* بعد ما بردت قطعتها على الشكل التالي
* نقلت القطع لطبق التقديم و صفيت القطع كما يلي
* ممكن تتاكل هيك
بس حلو أنو نضيف بعض الأشياء المحببة للأطفال
للزينة استخدمت:
علبة قشطة
شوكولا جاهزة
بشرنا الشوكولا بقلب القشطة و خلطناها
* الآن رح نزين القطع بخليط القشطة و الشوكولا
و هيك بتصير الكيكة وجبة مغذية و لذيذة
تفضلي جنى خانم
و ألف صحة و هنا على قلوب الجميع
الروابط المفضلة