السلام عليكم و رحمة الله و بركاته
أخواتي الغاليات صرلي زمان ما طليت على قسم الحلويات
فقلت مو حلوة اجي و ايدي فاضية عملت كيكتين و جبتهن معي و بتمنى يعجبوكن
1-كيك بالكورن فليكس
المكونات:
3 بيضات
2 كوب سكر
كوب و نص طحين
بشر قشرة ليمونة
م ص فانيليا
م ك بيكنغ باودر
ربع كوب زيت
ربع كوب ماء
نص كوي كورن فليكس
م ك كاكاو
الطريقة:
* نخفق البيض مع السكر و الفانيليا و برش الليمون جيدا"حتى يصير رغوة للبيض و يتكاثف حجمه
* نضيف الزيت...الطحين..البيكنغ باودر...الكورن فليكس...الماء.
* طبعا" كل ما نضيف شي نخفق جيدا"
*نرفع قسم صغير من الخليط و نضيف له الكاكاو.
نحمي الفرن على حرارة 180 درجة.
* ندهن القالب بالزيت و نرشه بالطحين ثم نسكب الخليط الأبيض فيه و فوقه خليط الكاكاو.
* و هي بعد ما طلعت من الفرن.
* خليناهأ حوالي 40 دقيقة . ممكن يختلف الوقت شوي حسب كل فرن.
*و في الآخر نشعل الفرن من فوق لمدة دقيقتين فقط حتى ينشف الوجه.
بالنسبة للتزيين:
استخدمت علبة قشطة و علبة حليب مركز.
* خفقتهم مع بعض و قسمتهم عدة أقسام أضفت لكل قسم لون من ألوان الطعام.
* أنا بحب الألوان كتير و بضيفها لكل شي.
و النتيجة النهائية بين أيديكم تفضلوا:
و هي شمعة معطرة بالنص مشان تطفوا الضو و تشعلوها و تاكلوا الكيكة بجو رومانسي
طيب الكيكة التانية..من كيكاتي المفضلة..ليش
لأنها بالشوكولا
2- كيك بالشوكولا
المكونات:
3 بيضات
كوب و نص سكر
م ص فانيليا برش قشرة ليمونة
نص كوب زيت نباتي
2 كوب طحين
2 م ك نشا
م ك بيكنغ باودر
ربع كوب ماء
للوجه:
شوكولا جاهزة
علبة قشطة
الطريقة:
*متل ما هو معروف بطريقة الكيك نبدأ بخفق البيض و السكر مع الفانيليا و برش الليمون الذي يعطي الكيك طعم رائع.
* بعدين باقي المقادير مع الخفق الجيد حتى نحصل على خليط أسمك من اللبن الزبادي بشوي.
نحمي الفرن على 180 درجة .
* نخبز الكيك و المدة تقريبا" بين(40-45) درجة..و آخرشي نشعل شوي من فوق.
* بعد ما استوى نخليه نخرجه من القالب و نخليه يبرد بعدين منزينه
* نسيح الشوكولا في حمام مائي
* ندهن الكيكة بالشوكولا
* نضع فوقها القشطة
* نكون تاركين شوي من الشوكولا .
* نضعهم فوق القشطة...بعدين بعود الأسنان أو طرف السكين منخربش عليها شوي و نحصل على هذا الشكل العجيب
أتمنى يعجبوكن
و ألف صحة و هناااا
الروابط المفضلة