السلام عليكم ورحمة الله وبركاته
حبيباتـــــــــــى فى المنتدى الغالــــــــى - اتمنى من الله ان يكون الجميع بخير
انا مش بدخل قسم الحلويات كتير ههههههه خوفا من انى اضعف واقوم اعمل حاجة حلوة من اللى اخواتى هنا بيغرونى بيها وانا فى فترة دايت بحاول بكل الطرق ابعد عن المغريــــــــــــــــات ههههههههه
بس حبيت اقدم لكم انهاردة حاجة من نفسى قولت اتجرأ وابوظ الرجيم يوم واحد واعمل بسبوسة شوفو كدة معايا طريقتها وقولولى الرأى - اتفضلو
مقادير البسبوسة
3 بيضات
واحد ونصف كوب دقيق سميط
كوب جوز هند ناعم
فانيليا - معلقة كبيرة بيكنج بودر
نصف كوب زيت - نصف كوب لبن حليب
معلقتين كبار سمنة سايحة
مقادير الشراب
2كوب سكر
كوب ماء
نصف ليمونة
رشة فانيليا او ماء ورد
الطــــــــــريقة
نضرب البيض جيدا بالمضرب الكهربائى مع الفانيليا حتى يصير هش - نبدأ بوضع الزيت بالتدريج ثم اللبن ثم دقيق السميط بالتدريج ثم الجوز هند مع البيكنج بودر
نحضر الصينية ونرش فيها نصف كمية السمنة فى القاع
ثم نصب خليط البسبوسة
ثم على الوجه نرش باقى السمن السايح لو حابة تزودى السمن براحتك بس انا بحبها خفيفة برضة عشان الرجيم هههههه
تدخل الفرن فى الوسط لمدة ربع ساعة ثم تطلع فى الرف العلوى حتى يحمر الوجه
تسقى بالشراب البارد السابق مكوناته اعلى
طريقة تحضير الشراب
طبعا سهلة وبسيطة ومعظمنا بيعرفها الماء مع السكر يغلون وبعد خمس دقائق الليمون ثم نتركها حتى يغلظ قليلا ويتكثف وبعد ان يبرد نضيف الفانيليا للتعطير او ماء الورد
واتفضلو البسبوسة ان شاء الله تنال رضاكم
لــــــــــــــــكم منى كل الود
الروابط المفضلة