●•°حلى متميز°•● أول موضوع إلي بسبوستي الرائعة بالخطوات المصورة تفضلوا

**أسيرة الجمال** · 01-05-2008, 10:17 AM

السلام عليكم ورحمة الله وبركاته :

طبعا هادي أول مرة بقدم فيها طبق هون بالمنتدى وبتمنى يعجبكم وطبعا هادا الطبق إلي هو البسبوسة

وطرق البسبوسة مافي أكتر منها بس هادي الطريقة أنا حسيت إنها مميزة والأحلى من هيك إنها كتير بسيطة وسهلة ويارب تعجبكم صبايا

نبدأ المقادير والطريقة سوا :

نضع بالخلاط الكأس كوب سكر

ونضع عليه كوب من زيت المازولا

نضع عليهم 2 علبة قشطة

يتبع

**أسيرة الجمال** · 01-05-2008, 10:21 AM

نخلطهم بالخلاط جيدا حتى نتأكد إنهم امتزجوا جيدا ويكون الخليط بهدا الشكل

نضع 2 كوب سميد خشن في صحن عميق يصلح للعجن

ونضع عليه كوب ونصف حليب بودرة وملعقة كبيرة بيكنج باودر

نصب الخليط اللي بالخلاط على المكونات الجافة اللي بالصحن

نخلطهم جيدا معا ونضعها بالصينية المدهونة بشوية طحينة طبعا العجينة بتلزق باليد لكن نقوم بوضع قليل من زيت المازولا باليد ونقوم بفردها لحتى تصير متل هيك بالصينية

يتبع

**أسيرة الجمال** · 01-05-2008, 10:27 AM

نقطعها بالحجم اللي بدنا إياه ونزينها بشرايح لوز

نخبزها في فرن متوسط الحرارة لمدة بين 25 دقيقة ونص ساعة و عند النضج نحمرها من الأعلى حتى نحصل على اللون الدهبي الحلو

نسقيها بالقطر أو الشيرة طبعا حسب الرغبة بس إحنا بنحب كتير القطر يكون فيها وبتكون متل هيك

هون في صحن التقديم

وهون مع فنجان قهوة تفضلوا

وهون من الجنب شوفوا سمكها أنا بحبو وسط متل هيك لا هو كتير ولا قليل

وبهيك بكون خلصت وأتمنى يعجبكم الموضوع

وسلام يا حلوين

**RANDA 1959** · 01-05-2008, 10:39 AM

الله يا الجمال ايش هاد يسلمواااااااااااااااااااااااااااااااا والله كتير طيبه بس كتير دسمه يا عسل يا قشطه يا حليب والا الاتنين احلي واطعمممممممممممممممم