مرحبا بكِ في منتديات لكِ! هل هذه هي زيارتك الأولى لمنتديات لكِ؟ اضغط هنا للتسجيل

للبحث في شبكة لكِ النسائية:
الصفحة 1 من 2 12 الأخيرالأخير
عرض النتائج 1 الى 10 من 13

سر الكيك الاسفنجي الهش

(الحلويات والكب كيك والكيك وحلويات العيد - منتدى لكِ)
كان بودي اعرف ما هو سر الكيك الاسفنجي الهش.. جربت كتير و عملت اكثر..لكن لم اصل لدرجة و مستوى ما يباع في المحلات الجاهزه... لكل ...
  1. #1
    تاريخ التسجيل
    Mar 2008
    الردود
    96
    الجنس
    أنثى

    angry سر الكيك الاسفنجي الهش

    كان بودي اعرف ما هو سر الكيك الاسفنجي الهش..

    جربت كتير و عملت اكثر..لكن لم اصل لدرجة و مستوى ما يباع في المحلات الجاهزه...

    لكل الخبراء و عشاق الجاتوهات و التورتات اوجه سؤالي ما هو هذا السر في هذه الهشاشه الفظيعه و هذا اللون الابيض الجميل للكيك الاسفنجي علما بأن مقداري المستخدم هو 5 بيضات و كوب الا ربع سكر ناعم و اكوب دقيق و فانليا و بودر و خل..و احيانا بفصل البياض عن الصفار و احيانا اضيف نشا و احيانا لا اضيف خل.. و بضرب البيض في العجان لما بتطلع روحه من الخفق و برده مفيش فايده..

    كل اما اعمل تورته الراجل يقولي حلوه بس اللي جاهزه احلي و بيديني 7 على عشره..ينفع كده..؟؟؟

    الرجاء المساعده.. و لا تبخلوا على بالمساعده...
    آخر مرة عدل بواسطة ادارة الموقع : 04-06-2014 في 12:44 AM


  2. #2
    حنان(البحرين) غير متواجد مشرفة اركان الاطباق
    تاريخ التسجيل
    Jan 2006
    الردود
    21,308
    الجنس
    أنثى
    التكريم
    • (القاب)
      • درة صيفنا إبداع 1431هـ
      • نبض وعطاء
      • طاهية متميزة
    (أوسمة)
    اليكِ عزيزتي هذا الرابط ان شاء الله يفيدكِ

    ღ♥ღ الدرس الرابع : كيف تتقنين فن الطهي ღ♥ღ

    وبأذن الأخوات العضوات سيفدنكِ بتجاربهن


  3. #3
    تاريخ التسجيل
    Mar 2008
    الردود
    96
    الجنس
    أنثى
    مشكوره حنان على المجهود..لكني للاسف لم اجد في الرابط ضالتي..

    ارجوا المساعده..معقوله ما في حل..


  4. #4
    اسيرة السهر's صورة
    اسيرة السهر غير متواجد عضو نشيط
    تاريخ التسجيل
    Apr 2008
    الموقع
    في قلب اغلى البشر
    الردود
    356
    الجنس
    أنثى
    ياريت ياسماح لما تعرفي تقوليلي عشان افرح زوجي انا كمان ..امانة عليكي


  5. #5
    noorelhoda's صورة
    noorelhoda غير متواجد "متميزة صيف 1429هـ و مُبدعة صيف 1430هـ "صانعة الأطايب
    تاريخ التسجيل
    Nov 2007
    الموقع
    اللهم هون على غربتى واحفظ لى زوجى وابنتى
    الردود
    21,462
    الجنس
    امرأة
    حبيبتى ده موضوع انا كنت منزلاه من قبل يارب يفيدك

    اخواتى انا تعبت كتير اوى علشان اعرف اعمل الكيكه الاسفنجيه وتعبتكم كتير باسئلتى وبصراحه كنت بجمع جميع الطرق لكل اخت جوه المنتدى او خارجه وجمعت نصايحهم ومقاديرهم وبناءا عليه اكتشفت ايه السر وعرفت اعملها بالظبط وكل معلومه ولو صغيره كنت لازم لازم اهتم بيها وفى النهايه الف حمد انا تقريبا كل اسبوع بعمل تورته والحمد لله ما خيبت ظنى ابدا
    هههههههههههههه تلميذه شاطره صح ؟
    اصلى بحب المطبخ اوى ولو حطيت حاجه فى دماغى لازم اعملها بقول ما اللى عملتها ليها عنين وادين زيي صح
    شوفوا اخواتى الاول حقوللكم على الملحوظات المهمه وبعدين حقولكم عالمقادير المظبوطه
    المعلومات والملحوظات
    1-بدايه الكيكه الاسفنجيه لا يدخل فى مقاديرها لا زيت ولا زبد ولا لبن ولا عصير
    انا استغربت لما لقيت البعض بيضيف لبن او عصير
    الكيكه الاسفنجيه مختلفه عن الكيك العادى

    2-جميع المقادير المستخدمه بيض او طحين لازم لازم تكون بدرجه حراره الغرفه
    يعنى انا دائما بحفظ الدقيق فى التلاجه ولكن قبل ما اعمل الكيكه الاسفنجيه بنص ساعه بخرج البيض والدقيق واوعى تنسى المعلومه دى لانها مهمه جدا حتلاقى قطرات ماء تجمعت على البيض بعد النص ساعه كده تقدرى تستخدمى البيض

    3-لو عاوزه الكيك بنكهه البرتقال ضيفى برش برتقاله على البيض بدل الفانيليا وليس عصير البرتقال ولو عاوزه بطعم الفراوله ضيفى روح الفراوله ولكن روح الفواكهه تضاف بعد اضافه الطحين لكن برش البرتقال بيكون مع البيض كبديل للفانيليا

    4-الدقيق والنشا والبيكنج باودر اللى حكتبلكم مقاديرهم تحطوهم مع بعض وضرورى جدا جدا تنخلوا الخليط مرتين يعنى حطى البيكنج باودر والنشا على الدقيق وانخليهم سوا ومهم اوى مرتين

    5-مهم اوى ان المقادير تكفى صينيه لان لو الخليط اكبر من نص الصينيه يبقى الكيكه حترتفع وتهبط من النص وحتبقى معجنه

    6- مهم اوى الفرن يتسخن اثناء تحضيرك للكيك ودرجه الحراره لازم تكون متوسطه لانها لو عاليه او منخفضه حتبقى مشكله والكيكه تبوظ اهم حاجه اظبطى الفرن على درجه 180 واغلقى الفرن لحد ما تنتهى من عمل الخليط
    اخواتى معلش انا طولت عليكم بس لازم لازم احكى معاكم بالظبط كل فتفوته لعمل الكيك
    واخيرا اللى بيخلى الكيكه مكتومه حاجتين مالهومش تالت الاولى انك مضربتيش البيض المده المحدده ليه وهى ربع ساعه يكون المضرب شغال بدون انقطاع على اعلى سرعه والثانيه انك مضفتيش الدقيق معلقه معلقه ممكن تكونى ضفتيه مره واحده او كميه كبيره كل مره وده بيخلى الكيكه طالعه زى الخبز مكتومه

    الان المقادير المظبوطه
    طبعا احنا خرجنا البيض والطحين قبل العمل بنص ساعه واول ما نبدا نشتغل نسخن الفرن ونجيب الصينيه ندهنها سمنه وبعدين نحط فيها دقيق اكيد انتوا فاهمين العمليه دى
    المقادير دى انا معرفش حتناسبك ولا لا بس عموما وانتى بتصبى الخليط فى الصينيه بتاعتك وطبعا انا معرفش مقاسها يبقى عموما اى خليط لازم يوصل لمنتصف الصينيه لو لقيتى لسه عندك خليط ممكن تحطيه فى صينيه تانيه اهم حاجه للكيك سواء عادى او اسفنجى ان الخليط ميزدش عن نصف الصينيه لانه حيرتفع
    المقادير
    الكوب المستخدم للدقيق لازم يكون هو هو اللى حتقيسى بيه السكر والنشا
    6 بيضات بدرجه حراره الغرفه
    كوب الاربع دقيق
    كوب الا ربع سكر ناعم مهم يكون حبيباته ناعمه
    ربع كوب نشا
    ملعقه كبيره بس ممسوحه بيكنج باودر
    ملعقه كبيره ممسوحه فانيليا
    ربع كوب كاكاو غير محلى
    لو عوزاها بيضاء مش بالكاكاو يبقى بدل كوب الا ربع دقيق يبقى كوب واحد فقط وبرده نفس المقادير

    سخنى الفرن وبعدين حطى البيض وعليه الفانيليا او بشر البرتقال وعلى اعلى سرعه اضربى البيض والفانيليا لمده دقيقتين وبعدين متفصليش الكهربا عن المضرب وهو شغال بعد الدقيقتين ضيفى السكر مره واحده واحسبى حوالى ربع ساعه على اعلى سرعه فى البدايه حتلاقى المزيج عباره عن رغاوى لكن بعد كده حتلاقى المزيج بقى كريمه وحجمها بقى تلت اضعاف حجم البيض فى الاول لازم يبقى الحجم تضاعف لاننا عاوزين الهوا اللى جعل البيض ينتفخ اول ما تلاقى الخليط تضاعف بعد الربع ساعه شيلى المضرب خالص ومتستخدميهوش تانى فى ناس بتحط الدقيق وتشغل على اقل سرعه وده خطأ كبير جدا جدا الطريقه دى حتخلى الهوا اللى نفخ البيض يخرج تانى ومش حتبقى هشه ابدا
    باستخدام معلقه خشبيه ضيفى ملعقه دقيق واحده وقلبى ببطء جدا جدا جدا جدا جدا فى اتجاه واحد اوعى تغيرى الاتجاه او تقلبيها من تحت لفوق وافضلى ضيفى ملعقه دقيق وقلبى مرتين وضيفى الملعقه الاخرى وبرده قلبى تقلبتين بشويش وببطء شديد لازم يفضل الخليط مرتفع لحد ما تخلص ممكن هنا تضيفى روح الفاكهه لو عوزاها بالفراوله او الاناناس بعد ما تخلصى صبى الخليط بشويش وايضا بمنتى البطء فى الصينيه ودخليها الفرن
    واياك اياك اياك اياك تفتحى عليها قبل 40 دقيقه بعد اربعين دقيقه اختبريها بعود خشبى لو نضجت طفى النار و اوعى تخرجيها من الفرن خليها جواه لانها لو خرجت وهى سخنه حتتعرض لهواء بارد حتبوظ سبيها فى الفرن بعد ما تقفلي الحراره نص ساعه تقريبا وبعدين خرجيها ان شاء الله لو اتبعتى كل معلومه وطريقه انا كتباها حتلاقى احلى كيكه اسفنجيه عملتيها وكل ما تنجح معاكى افتكرينى على طول انا اسمى ام نور الهدى ابقوا ادعولى على طول
    وتانى يوم اعمليها بالكريمه وزينيها ولو مستعجله وعوزاها فى نفس اليوم حطيها فى التلاجه 3 ساعات مثلا بس اوعى تحطيها فى التلاجه بعد ما تطلع من الفرن مباشره يارب اكون افادتكم
    ودى تورته كنت نزلتها قبل كده
    http://www.lakii.com/vb/showthread.php?t=412163
    طبعا حتستغربوا بقى نور الهدى الان بتدى نصايح بعد ما كانت بتزعجنا باسئلتها هههههههههه


  6. #6
    الباجوري's صورة
    الباجوري غير متواجد كبار الشخصيات "فنانة طبخ"
    تاريخ التسجيل
    Feb 2005
    الموقع
    مصر
    الردود
    4,901
    الجنس
    امرأة
    ما شاء الله عليكِ غاليتي نور نصائح في غاية الاهميه
    وموضوع متكامل
    ان شاء الله البنات يستفيدوا
    تسلم ايديكِ
    وجزاكِ الله كل خير

    حبيباتي مشرفات, عضوات و زائرات وحشتوني كلكم ومفتقده وجودي بينكم وفي منتدايا الغالي
    انا الحمد لله ربنا رزقني بطفلي الثاني من 6 اشهر "عبد الله"
    طبعا مشغوله جدااا مع رقيه وعبد الله ونادرا لما بدخل على النت بس كلكم وحشتوني ربنا يخليكم ليا والف شكر على دعواتكم
    تسلمولي
    الحمد لله يوم 8 - 6 - 2009 رزقني الله بـــ (رقية)
    يارب احفظها وبارك فيها

  7. #7
    تاريخ التسجيل
    Mar 2008
    الردود
    96
    الجنس
    أنثى
    أشكرك اخت ام نور تحيتي لك و لكل من مر من هنا

    و ان شاء الله بجربها و اخبركم بالنتيجه
    آخر مرة عدل بواسطة ((سماح)) : 12-05-2008 في 12:30 PM السبب: خطأ املائي


  8. #8
    سموت بأخلاقي's صورة
    سموت بأخلاقي غير متواجد عضو نشيط
    تاريخ التسجيل
    Apr 2008
    الموقع
    حيث يمتزج الفن بالخيال
    الردود
    200
    الجنس
    أنثى
    نور الهدى نور الهدى الله يسلم نور الهدى ...(انشودة) وتستاهل نور الهدى

    سبحان الله وبحمده
    سبحان الله العضيم


  9. #9
    ونة الم111 غير متواجد عضو نشيط
    تاريخ التسجيل
    Jan 2008
    الموقع
    استراليا بيرث مع عائلتي الرائعة
    الردود
    487
    الجنس
    أنثى
    مشكووووووووووووووووووورين وما في احلا من التعااااااااون

    لااله الا الله محمد رسول الله

  10. #10
    البرنسيسة جوجو غير متواجد عضو نشيط
    تاريخ التسجيل
    Mar 2008
    الردود
    363
    الجنس
    أنثى
    مشكورة على ادق التفاصيل و يارب
    تطلع حلوة لما نعملها


مواضيع مشابهه

  1. الكيك الاسفنجي الرهيب
    بواسطة 1سوسو1 في الحلويات والكب كيك والكيك وحلويات العيد
    الردود: 11
    اخر موضوع: 21-06-2011, 11:09 PM
  2. استفسار بخصوص الكيك الاسفنجى
    بواسطة amany_mmaa في الحلويات والكب كيك والكيك وحلويات العيد
    الردود: 4
    اخر موضوع: 02-07-2010, 08:21 AM
  3. مشكلة الكيك الاسفنجي
    بواسطة **زهرة الوفا** في الحلويات والكب كيك والكيك وحلويات العيد
    الردود: 3
    اخر موضوع: 20-03-2009, 08:58 PM
  4. الكيك الاسفنجى
    بواسطة nana banana في الحلويات والكب كيك والكيك وحلويات العيد
    الردود: 11
    اخر موضوع: 26-05-2005, 10:02 PM
  5. الدرس الاول...............الكيك الاسفنجي
    بواسطة ام وديمه في الحلويات والكب كيك والكيك وحلويات العيد
    الردود: 7
    اخر موضوع: 15-10-2001, 10:35 PM

الروابط المفضلة

الروابط المفضلة

قوانين الكتابة

  • لا تستطيع إرسال مرفقات جديدة
  • لا تستطيع إرسال ردود
  • لا تستطيع إرسال مرفقات
  • لا تستطيع تعديل ردودك
  •  
لكِ | مطبخ لكِ | جمالكِ | منزلكِ | جوالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97