اخواتي كيف الحال ان شاء الله بالف خير وعافيه
لو سمحتو الغاليات اريد طريقة الارز باللبن لو ما في كلافه عليكم بس يا ريت تقولو لي ايش نوع اللبن لان الاسماء مختلفه من دوله لاخرى هل هو لبن الزبادي او الروب ؟انا اعرف هاي الانواع
انا راح اعملها لاول مره وانا ذقتها قبل كده وهي حلوه وحبيت اني اطبقها هاي المره ويا ريت طريقه مضبوطه.
والله يجازيكم كل خير ويجعله في ميزان حسناتكم.

السلام عليكم اختى ام تاليا
الارز باللبن مش بيتعمل باللبن بل بالحليب(زى ما بتقولو عنه فى الدول العربية)اما احنا فى مصر بنسمى الحليب لبن عشان كدة الوصفة اخذت اسم الارز باللبن واليكى الوصفة
المقادير
نص كوب ارز مصرى (انقعيه لمدة ساعتين عشان لا يطول فى السلق)لو مستعجلةانقعييه فى ماء ساخن نص ساعة
1لتر حليب كامل الدسم
1كوب سكر (ممكن تقللى الكمية لو مش بتحبى الحلى زايد)
1علبة قشطة (قيمر او نستلة)
2معلقة كبيرة نشا تذوب فى ربع كوب ماء بارد
اى طعم انتى تحبيه (ماء ورد--او--ماءزهر--او--فانيليا)مقدار معلقة صغيرة
صفى الارز اللى نقعتيه --اغلى الحليب فى طنجرة على النار ثم اضيفى الارز واتركيه على نار هادية ولازم كل شوية تقلبى حتى لا يلصق فى قاع الطنجرة--لما ينضج الارز اضيفى السكر وقلبى حتى يذوب--اضيفىالقشطة وقلبى حتى تندمج --ضيفى النشا المذوب فى الماء البارد وقلبى بسرعة حتى لا تتكتل
لما تحسى ان القوام اصبح غليظ(كثيف) اطفى النار ثم اضيفى الطعم اللى تحبيه بس تذكرى معلقة صغيرة فقط من اى نوع من اللى ذكرتهم حتى لا يصبح الطعم مر-- صبى فى اطباق التقديم واتركيه يبرد ثم زينيه بالفستق المجروش او اللوز اوالبندق وبالعافية .......لو عجبتك الوصفة ادعيلى يصلح لى شانى كله

تسلمي لي الغاليه قلب عيلتي على مساعدتك لي .وان شاء الله اطبقها واقول لك .
والله يجازيك خير ويجعله في ميزان حسناتك .اللهم يصلح لك شانك كله وينولك مرادك دنيا واخره
يسلموووووووووووووو