أهلا خواتي بالمنتدى اشلونكم ومبارك عليكم شهر العبادة شهر رمضان ينعاد على جميع المسلمين بالخير إن شاء الله وتقبل الله طاعتكم
بهالمناسبة ودي اشارك بالبسبوسة اللي كل من ذاقها مدحها
بسبوسة بالقشدة
المقادير:
1 كوب سميد ناعم
1 كوب سكر
1 كوب حليب جاف (حليب التموين للي بالكويت)
2/1 كوب زيت مازولا
2 علبة قيمر نستله
1 ملعقة متوسطة بيكن باودر
الحشوة : 2 علب قشدة المراعي
الطريقة :
تخلط جميع المقادير عدا الحشوة طبعا ويوضع نصفها بقالب مدور ثم توضع الحشوة فوق الطبقة السفلى وضعيها بحذر بحيث تغطين كل الطبقة السفلى ثم يوضع باقي المقادير فوق القشدة وهالمرة خليك حذرة أكثر لا القشدة تصير فوق البسبوسة وبعد ما تغطين كل القشدة بباقي المقدار ضعي القالب بالفرن بدرجة حرارة متوسطة من تحت ثم من فوق وطلعيها وقطعيها حسب الرغبة وحطي الشيرة حسب رغبتك وبالعافية ،،،،،،،،،،،،،،،،،، سووها وذوقوها وعطوني رأيكم
الروابط المفضلة