بسم الله الرحمن الرحيم
هلا وغلا خواتي ...............
جايبتلكم طريقه لحلى اسمه البسبس كيك طبعا مثل ما سمته صاحبته
وهو عباره عن كيك او بسبوسه يعني دامج الاثنين لذيذه جدا جدا وما ينشبع منها هي للأخت
هند بصراحه انا وايد أحب اطباقها علشان كذا دايم اسويها لأن المقاييس بتتطلع مضمونه
ملاحظة: ( ضروري تتقيدون بالمقادير والطريقه عشان يضبط عندكم )
المقادير:
كأس دقيق
كأس جوز الهند مبشور
كأس سميد
كأس حليب سائل
كأس سكر الا ربع
نصف كأس زيت
3 بيضات + فانيليا + نص ملعقه هيل ناعم
ملعقه طعام بيكنج بودر
الطريقة:
في الخلاط نخلط (البيض والفانيليا والهيل الى ان يفتح لونه بعدها تضيفي السكر وتستمري بالخلط
الى ان يفتح لونه ايضا ثم نضيف الزيت ونخلط بعدها الحليب ثم السميد ونخلط )
نسكب الخليط على وعاء فيه الدقيق المنخول والنارجيل ونخلطهم مع بعض
اخر شي نضيف البيكنج بودر وهذه النقطه ضروريه جدا لازم اخر شي
بعدها تغطي الخليط بالنايلون لمده ربع ساعه واذا مستعجله عشر دقائق ويكون خارج الفرن طبعا
وهذا شكل الخليط
وبعدها تدخليها الفرن لمدة نصف ساعه فقط لانها ماتحتاج وقت
وبعدا ما طلعهيا صبي عليها الشيره المحظره مسبقا يعني تكون بارده والشيره عباره عن:
(كاس سكر+ نصف كأس ماء تحطيهم على النار واول ما يغلي تضيفي عليه شويه هيل
وزعفران ويغلى لمدة دقيقتين )
وهذا شكلها
وهنا بعد التقطيع
وهنا اقرب
وان شاء الله تعجبكم
يتبع .....
الروابط المفضلة