اعرف ان الموضوع مكانه غلط
بس حبيت افضفض عن اللي في خاطري شوي .. قبل ما ينتقل موضوعي للقسم المناسب
تستغربون ليش احس بألم
لإني ابدا ما اطبخ حلويات في البيت من سبع اشهر والكل محروم في البيت من الكبير للصغير
والسبب ولدي الصغير الله يعطيكم الصحة العافية
من يوم ما طلع فيه السكر (عمره تسع سنوات) والكل يحس بتعذيب الضمير اذا اكلنا اي حلويات اثناء وجوده
احس كل من في البيت اذا حب ياكل شي حلو يروح للسوبرماركت ويشتري وياكل وهو خارج البيت
مافي اي شي ينوكل في البيت
والله يابنات احس بحرقة لما اشوف عيونه كيف طفل صغير ينحرم من احب الاشياء اليه وهي نعمة الاكل من كل ما لذ وطاب..لكن ان الله مع الصابرين
تذكروا مثلي نعمة الله علينا كلنا..صرنا بس نفكر كيف نطبخ ونتفنن في اكلنا وطبخنا ونفكر شوي بنطبخ اليوم وكيف بنطبخ وكيف نخلي الأكل الذ واحلى عشان ناكل اكثر والكل يقول ياسلام على الطبخ
هذا حال الأغلبية من الناس ..لازم ننتبه ان نحن كل يوم نكبر في العمر ولازم ننتبه لصحتنا ..اجسامنا ما عادت تستحمل كل هالسموم اللي ناكلها والامراض زادت
..نزل وزني 12 كيلوخلال هالمدة والسبب اني انتبهت للأكل واطبخ الاكل المناسب وقطعنا السمنة والحلويات
نعمة الصحة اللي ما بدالها شي ولا يسوي مال الدنيا كلها شي امامهاونعمة الأكل اللي انحرم منها الكثير بسب هالمرض اللي بدا يغزو كل بيت من بيوتنا في الخليج
الله يديم علينا الصحة والعافية
انتبهوا لصحتكم واكلكم
معظك الطبخات فيها دهون انواع واشكال على هيئة سمنة او الزبدة الخطيرة او جبنة دسمة واكلات جاهزة وسموم الله يجيرنا
لازم ناكل ونشرب بس ننتبه للي يدخل بيت الداء عندنا وهي المعدة
الله يديم علينا وعليكم وعلى امة محمد صلى الله عليه وسلم الصحة والامن والامان
الروابط المفضلة