مبارح لما شفت تطبيق رند لكيكة البرتقال حسب وصفة الأخت الود طبعي الصراحة كان المنظر مغري ورنود مدحت فيها كتير فقلت يالله رح أووم و أجربها أنا كمان و فعلا نفذت الوصفة متل ما حطتها الود الله يجزيها الخير
بعد ما جهزت الكيكة خطر على بالي أني أزينها بطريقة تناسبها فقلبت بين أوراقي و لقيت وصفة كريمة البرتقال للأخت منى صابوني الله يكرمها فعملتا متل ما رح أكتب هلق و حشيت فيها الكيكة و حطيت كمية منها على السطح و حاوطتها بكريم شاتييه وزينت برقائق من قشر البرتقال الطعم ووواوووووووووووووووو فظيع رهيب بيجنن شوفو و جربو و أدعو للود و لرند و لمنى و أدعولي كمان
شوفو الصور و بعدها رح أحط طريقة كريمة البرتقال
مقادير كريمة البرتقال
1 كوب عصير برتقال طازج
1 و نص كوب سكر
3 ملعقة كبيرة و مليانة كورن فلور( منى استعملت طحين عادي )
بشر حبتين برتقال
2 بيضة
2/1 باكيت زبدة
تخلط كل المكونات مع بعضها عدا الزبدة يفضل خلطها بمضرب السلك ثم ترفع على النار مع التحريك المتواصل حتى يبدأ المزيج بالغليان و يثقل و يغلف الملعقة اللي عم نحرك فيها نرفعها عن النار و نضع الزبدة و نحرك حتى تذوب الزبدة و تتجانس المكونات و تصبح الكريمة ناعمة و عم تلمع
الروابط المفضلة