السلام عليكم و رحمة الله و بركاته:
من أول ما تعرفت على الموقع و أنا عم أتعلم أشياء حلوة و أفكار مفيدة الله يجزي الخير لكل الموجودين فيه، و بالمقابل حبيت تشوفوا شو عملت و تعطوني رأيكن لاستفيد أكتر
بلا كتر حكي عملت اليوم كاتو الموز و هادا هو :
المكونات: 2 بيضة (أنا ما بحب كتر بيض)
2كاسة سكر
5 موزات
فنجان شاي لبن
عصير نص ليمونة ،برش ليمونة، فانيليا ، ملعقة كبيرة بيكنغ باودر
2 كاسة طحين
نص فنجان زيت نباتي
2 ملعقة كبيرة نشاء
الطريقة: أولا نخفق البيض مع السكرو الفانيليا و برش الليمون.
تانيا نضيف الزيت و بعدين الطحين و البيكنغ باودر.
في وعاء تاني نهرس الموز و نضيف عليه اللبن و عصير الليمون و نخلط جيدا"
نضيف خليط الموز للعجينة و نقلب الكل حتى نحصل على عجينة سميكة شوي.
ندهن القالب بالزيت و الطحين و نصب العجينة فيه و ندخلها لفرن متوسط الحرارة حوالي الساعة و بالآخر نشعل النار 5 دقايق من فوق من أجل الوجه.
بس خلص هادا هو طلعو و اقلبو و حطو بالصحن و كلوووا مع ألف صحة و هنا.
لا تنسوا تدعولي***
الروابط المفضلة