تورتة الكاسترد مع الفاكهة

مكونات الكيك

4 بيضات + 2 ظرف فانيليا

ثلتين كوب سكر

كوب دقيق مع البيكنج باودر

مكونات الحشو

بودرة الكاسترد

حليب

فواكه معلبة مشكلة

و شوكولا للتذويب

الطريقة

نضرب بياض ال 4 بيضات مع الفانيليا حتى يولى ابيض و خفيف ((

مارينج)) نبدا بعدها بأظافة السكر تدريجيا حتى يولى الخليط كثيف و لامع

بعدها نبدا بأظافة صفار البيضات و التحريك المستمر

ننخل الدقيق بتاعى مع البيكنج باودر و نضيفه على الصونية و نحرك بملعقة

معدنية بخفة و بسرعة

وقتها نجيب الطاجين بتاعى اللى ينفتح من الجنب و نصب فيه مقدار الكيك

بتاعى و ندخله الكوشة لين تطيب

نجيب طنجرة نحط فيها الحليب فوق النار لما يغلى نضيفله الكاسترد و

السكر مع التحريك المستمر

ناخد الفاكهة المعلبة نصفيها من السائل بتاعها لكن نحتفظ بيه باش نشرب

بيه الكيك

نجيب الطاجين اللى ينفتح من الجنب و نحط فيه طبقة من الكيك نشربها

بعصير الفاكهة المعلبة و نحط طبقة من الكريم و الفاكهة بعدين طبقة كيكة

تانية نشربها بالعصير مرة تانية و كاستر و فاكهة بعدين نحط اخر طبقة من

الكيكة و نزين فوقها بالشوكولا المذوبتها و فاكهة المعلبة

و ان شاء الله تعجبكم و بالف صحة و هنا

و هذا هوا الطاجين اللى انا استخدمته فى الكيك هادى

ماشاء الله عليك ديما مبدعه

تسلم ايدك شكلها رائع جدا

بارك الله فيك وجزاك خيرا
روعه ويسلموا

رروووعه تسلم يدك ويعطييييك العاااافية

شكرا ليكم كلكم على الردود و الله عسل كلامكم

كيكة رائعة
من فترة عمله كيكة بحشوة الكستردا والموز طعمه لايقاوم مزينة بالشكولاتة البيضاء

شكلها مشهى يا حبوبة يسلمو ايديك

يسلمووووووووو شكلها كتير حلو
يعطيكي العافية يا قمر