السلام عليكم يا صبايا

هذه الوصفة من وصفات الشيف أسامة بس غيرت فيها شوي عملتها لضيوفنا من كام يوم وكان بدي نزلها مبارح بس لما شفت طلب الاخت "ملال" و "وعود" الحبيبة فعملت الوصفة "البراونيز بالخضار" مخصوص مبارح ونزلتها..

يلي عاملة ريجيم الوصفة مش لها ويلي متلي ما بتحب الطعم الحلو كتير كمان مش لها الوصفة لأنها حلوة بس لذيذة كتير وبشهادة كل يلي داقوها...

تارت التمر بالمكسرات

المقادير

***ثلاثة أرباع كوب زبدة أو مرجرين نباتي (يلي بترغبيه)
***ثلاثة ارباع كوب سكر
***بيضة
***م ص فانيليا
***كوبين إلا ربع دقيق

الحشوة

***نصف كوب شوكولاتة سوداء (خاصة لطهي الحلويات)مبشورة
***نصف كوب عجوة تمر (تمر من غير نوى ومهروس)
***نصف كوب جوز الهند مبشور
***كوب أو حسب الرغبة مكسرات (أنا استعملت الجوز)
***حليب مكثف محلى

الطريقة

نحمي الفرن 170 درجة..
نخفق الزبدة أو المرجرين مع السكر لغاية ما يصيروا قوامهم كريمي..نضيف البيض والفانيليا مع الإستمرار بالخفق..
نضيف الدقيق ونعجن منيح لغاية ما تتكون عندنا عجينة ملساء..
نرص العجينة على شكل مستطيل أو دائرة ونغلفها بالنايلون ونضعها بالبراد 15 دقيقة تقريباً..

نفرد العجين بالقالب وبعدها نثقبها من الوسط كي لا ترفخ..

الطبقة الأولى: نرش الشوكولا
الثانية: نفرد العجوة
الثالثة: نرش جوز الهند بكثرة
الرابعة: نضع المكسرات يلي بترغبيها
الخامسة: نغطي الكل بالحليب المركز كما في الصورة

نخبز في الفرن حوالي 20 دقيقة أو حتى تشوفي داير التارت من الأطراف على الوجه احمرّت قليلاً..
تقدم باردة ..بس أول صحن قطعته كان ساخن...جوزي ما كان قادر ينتظر

إليكم الصور

ما شاء الله ولا قوة إلا بالله

بعدما طلعت من الفرن ورح تلاحظي أن الحليب بدأ يتكرمل على الوجه..مع العلم ما شغلت الفرن من فوق!! مممممممممممممم...

أول طبق وكان لسا ساخن

وبعد ما برد بالثلاجة

وهاد الصحن للصبايا كلهم...

لذييييييييييييييييييذة بس حلوة كتير......

لا تنسوني من دعواتكم حبايبي....

وااااو رائع تسلم ايديكي الحلوة كتيييير بيشهي ، الله يوفقك و ييسر أمورك و يخليلك أولادك و تفرحي فيهن ان شالله.
دايما مبدعة***

ان شاء الله القطعة الثانية لية بعد جوزك طبعا واو روووعة هذا الحلو ولا بلاش (قالو خضار براونيز) .... هنا أنا معاك على طول وباي باي مع السلامة الرجيم (بلا كلام فاضي ,,, الدنيا فيها موت يا ناس)

شكلة لذيذ موووووووووووووووووووووووت

ما شاء الله عليك يا لبنان
بسم الله يحفظك ربي

تسلم ايدك مبين انه لذيذ

تسلم إيدج شكراااااااااااااااااااا لك

تسلم ايديك بشهي كتير

تسلم ايديك لولو وصفة شهية و مختلفة ماشاء الله

و فعلا كمية الحلاوة فيها كتيرة يعني سكر و حليب مركز و تمر... صعبة

ممكن نقلل كمية السكر في العجينة

و بدل حليب مركز
ممكن نستخدم حليب مخلوط بشوية سكر و قشطة او جينة كيري

او كريما فرش مع شوية سكر

بتعطي نفس النتيجة اظن و كمية السكر اقل

بس برضه راح تضل فيها دسامة

انا باحب الحلو الخفيف

لكن هاي مبين عليها طيبة كتير

ان شاء الله يصير فرصة و اجربها ويسلو ايدك حبيبتي

والله انه يشهي

تسلمييييييييييييييييييييييييييييين

يضرب الرجيم و سنينو
شو ها الحلا يا لبنان بيجنن والله
بس الحلو شو بيطلع منو
الاحلى طبعا