السلام عليكم يا أغلى صبايا

هاي الكيكه اول مره بعملها .. وعملتها لعيون الغاليه الباجوري

ان شاء الله تعجبك حبيبتي ريهام

صبايا .. بس حبيت أحكي انو عملتها بقالبين كيك .. أول قالب تابع لطريقة الشيف اسامه السيد
وكانت مظبوطه .. لكن حبيت تكون منفوخه أكتر .. فعملتها مره تانيه
والقالب التاني تطبيق لكيكة الغاليه ronii
وهاي الرابط

http://www.lakii.com/vb/showthread.php?t=160992


وهاي صورة لقالب الكيك بنفس طريقة روني ومقاديرها
صورت بس القالب بصورته النهائيه



انا استعملت بس ثلاث طبقات من القالبين .. يعني أفضل طبقات من وجهة نظري

والباقي ظبطته وحشيته كريمه وأرسلته مع الاولاد للمدرسه .. بمناسبة العيد الوطني للامارات

أما القالب التاني .. طريقة الشيف أسامه السيد

المقادير

½ ك زبدة
½ ك سكر بودره
5 بيض مفصول
½ ك شكولاته ذائبة
3/1 ك نشا
½ ك دقيق
1 م/ص بيكنج بودر

للحشو

كريمه سائله
ثلث كوب سكر بودره
كرز
فواكه مشكله
كاكاو بودره

الطريقه

تُخفق الزبدة جيداً ويضاف نصف كمية السكر ويستمر في الخفق حتى تصبح هشة كالكريمة.



- يخفق صفار البيض جيدا ثم يضاف إلى الخليط تدريجياً ونستمر في الخفق.





- تضاف الشكولاته الذائبة مع مراعاة أن تكون دافئة وتخلط حتى تتجانس مع باقي المواد.




- يخلط النشا والدقيق والبيكنج باودر ثم يضاف تدريجياً إلى الخليط ويترك جانباً.

صبايا سامحوني .. اذا ما صورت كل الخطوات .. بس لانو
بنتي الصغيره كانت تعبانه شوي .. وكنت بينها وبين المطبخ رايحه جايه

صورة الخليط بعد الطحين والنشا والبيكنغ باودر



- يخفق بياض البيض بسرعه هادئة في الاول .. ثم نزيد السرعه الى أن تصبح الرغاوي
بهذا الشكل



بعدها نضيف النصف الثاني من كمية سكر البودره الى البياض .. ونستمر في الخلط حتى يصبح
الخليط صلبا .. ويتضاعف حجمه .. ويسمى هنا بالمارينغ



- يضاف قليل من بياض البيض المخفوق إلى خليط الشكولاته ثم يقلب بملعقة خشبيه
حتى يتجانس. ببطء ومن الاسفل لأعلى
- يضاف خليط الشكولاته وبياض البيض إلى المتبقي من بياض البيض المخفوق ويقلب بخفة حتى تتجانس المواد جيداً.



- يوضع الخليط في صينية مدهونة بقليل من الزبدة ومرشوشة بقليل من الدقيق وتخبز في فرن متوسط الحراره
لمدة ثلاثة ارباع الساعه

لم أصور القالب قبل الفرن .. سامحوني

القالب بعد خروجه من الفرن



عفوا .. أرجو عدم الرد يا صبايا
للموضوع بقية

صبايا انا كنت حابه أزين الكيكه .. بطريقتي الخاصه
فحبيت تكون عنجد متل الغابه .. وبالأخير يعني طلعت قريبه شوي على اللي بدي اياه ههههه

سيحت قالب شوكولا داكنه على حمام مائي



فجبت اوراق شجر صغيره مختلفة بالشكل

وغطست جهه منها في الشوكولا السائله

وحطيتها في الثلاجه .. وبعد فتره .. جمدت .. وببطئ نزعت ورق الشجر عن الشوكولا



معلش ما صورت منظرها لما نزعت الورق

وباقي الشوكولا ..

في صينية او سدر .. غلفتها بورق قصدير .. وسكبت الشوكولا عليها .. ومديتها وظبطت السطح

بس للعلم .. انا ما كنت عارفه شو بدي اعمل ههههه بس حبيت تكون عندي شرائح الشوكولا جاهزه



وبعد ما جمدت في الثلاجه .. طلعتها .. وقطعتها مثل البيتزا .. ولحد هلا كنت مفكره اعمل كوخ من الشوكولا
لان الاكواخ بتكون عادة في الغابات .. بس ما تتحمسوا كتيير ما عملتها ههههه



نرجع للحشو يا صبايا

نحضر الكريمه الشانتيه .. بخلط الكريمه السائله مع السكر البودره حتى تتكثف وتوضع في الثلاجه
لحين وقت استعمالها



الان .. انا قطعت القالبين .. وكنت بدي فقط ثلاث طبقات

أول طبقه .. سقيتها بعصير الفواكه المشكله

ودهنتها بكمية من الكريمه

ولعيون صديقه واخت غاليه .. عملت نصها بفواكه مشكله .. والنص التاني بالكرز الاحمر

واحد من اولادي بدو فواكه والتاني بدو كرز .. وزوجي ما بدو اياها محشيه بالمره هههههه





وحطيت الطبقه الثانيه فوقها .. وعملت نفس الشي
سقيتها بالعصير .. وسكب كميه من الكريمه (تكون كتيره) .. وحطيت عليها الفواكه والكرز

وغطيتها بالطبقه الثالثه .. سقيتها بالقليل من العصير

وباقي الكريمه

رفعت منه كميه بسيطه على جانب ..

والكميه الاكبر .. خلطتها بكاكاو بودره .. والكميه حسب اللون البني المرغوب

وغلفت الكيكه بكريمة الكاكاو

كان نفسي أجرب كريمة الزبده .. بس مره ثانيه .. ما كان عندي وقت



عفوا يا صبايا .. أرجو عدم الرد
الى أن أكمل تنزيل الصور

بعد ما غلفتها بالكريمه

رفعتها على صحن التقديم



لحد هلا كنت حابه .. اعمل منظر غابه عليها .. واعمل كوخ من الشوكولا

بس أجا زوجي .. وحكالي خليها بسيطه أحلى

فخليت ابداعاتي لحالي ههههههههههه

أخدت اثنين من شرائح الشوكولا .. وقطعتهم بالطول

وكسرت قطعتين قطع مختلفه الاشكال والاحجام

وخلطتهم مع شوكولا فليك مكسر .. وزينت جوانب القالب

بشرت القطعه الباقيه .. لتصبح مثل العشب في الغاليه (لسه مصممه هههههه)

ونثرتها على وجه القالب

وعملت وردات بالكريمه البيضا .. وعلى كل ورده كرزه حمرا

وبين الوردات وقفت وريقات الشجر اللي عملتهم بالشوكولا

وفي المنتصف .. حطيت أعواد من الشوكولا .. مع قطع شوكولا مكسره

وهاي الصوره النهائيه



من الجوانب ظهرت مثل الاغصان



وأضفت بعض الكرز في المنتصف







وهاي أول قطعه لأول رد علي



وهاي كمان قطعه تانيه

عشان اوضح جهة الكرز داخل الكيكه .. وجهة الفواكه المشكله

(سنااااااء هاي الك حبيبتي .. على طلبك مانجو وأناناس هههه )





طلع الطعم .. ممممم راااااائع .. زوجي ما الو بالحلو كتيير .. وحكالي كتيير طالعه متل الجاهزه

بالشكل وبالطعم كمااااااان

ريهاااااااااااااام .. تعالي .. هاي الكيكه عملتها الك حبيبتي

ومن بعد اذنك بدي أضيف الصبايا .. القالب كله على حسابكم يا قمرات

وشوي وشوي علي يا صبايا .. لاني أول مره أعملها

ما تنسوني من الدعاء حبيباتي .. دمتم بحفظ الرحمن

السلام عليكم ورحمة الله وبركاته

ما شاء الله
اكيد القطعة الي
مشكورة

ما شاء الله عليها

شكلها طيبه وهشه تسلم ايدك عليها

ام المجد يا عسل يسلموااا ايديكي هيك ضيعتي علي اول قطعة كنت بدي ارد عليكي لاقيت ردك انو ما حدا يرد يالله الف عافيه علي قلب الوردة بتستاهل اول القطفه هي والاخت سوسو وام موسي دايما الصحن فاضي يلا عاد الكيكه كبيرة الي اول طبقه المزينه انا

شو هاد يا فتوووش
انا ما بحكي الا نيال زوجك واولادك عليكي
انتي شي مو عادي
صحه وهنا على اللي اكلوهااااااا

واااااااااااااااااااااااااااااااااااااااااااا ااو رااااااااااااااااااااااااااااااااااااائعه ما شاء الله تسلم ايديك

مباااااااااااااااااااااااااااااااااااااارك الجائزة يا قمر

بجنن يا قمر كثير حلوة رووعه ما شاء الله

فعلا طبق مميز زى صاحبته يعطيك العافيه حبيبتى

ما سالت فى حد بكسات وضرب واخذت القطعه وهربت خلى السكرى يرتفع وانت المسؤوله فتوووووووووووووووووووش



جزاك الله كل خير

ما شاء الله
تسلم ايديك