ازيكو يااحلى بنات
جايبلكم انهاردة نوع من انواع الحلويات الدمياطي ودي بتتباع في محلات كتير عندنا وفي ناس ميعرفوهاش خااااااااالص
مكرونة باللبن (بالحليب)
المقادير:
مكرونة انبوبيه كبيرة
حليب 3اكواب ونصف تقسيمها كالتالي
نصف كوب تحطي فيه 4 ملاعق نشا
كوب تضربي معاه المكرونة المسلوقة زي ماهحكي كمان شويه
فانيليا
رشة قرفة
1 م \ص ماء ورد
نصف علبة قشطة
سكر حسب الرغبه
للتحمير
2م\ك زبدة او سمن
الطريقة:
تسلق المكرونة
ناخد نصفها نضربه بالخلاط مع كوب حليب
نضع كل المكرونة المسلوقة والمضروبة والمخبوطه ههههههههههههههههههه
كلله في الحلة معاه كل المكونات اللي فاتت الا النشا والقشطة
قلبي شوية على النار
اول ماتغلي ضيفي الحليب اللي معاه النشا
لما تربط ضيفي القشطه
ادهني الصينيه سمن
صبي الخليط وحطي على وشه سمن
دخليه فرن حاااامي لحد ماتتحمر
قطعي وقدمي
بالهنا والشفا
ملحوظة في ناس بيحطو جوز هند مبشور كبير بس جوزي مش بيحبه
المكرونة قبل السلق وبعده
بعد ضربها في الخلاط ضربا مبرحا
متقطعوهاش سخنة زي مانا عملت وخربت الدنيا
والرابط دا هدية مني لحبايب قلبي بنات منتدى لك
الروابط المفضلة