المكونات :
150 جرام بسكويت دايجستف
50 جرام زبدة ما يقارب 2 ملاعق كبار
400 جرام جبنة كيرى ما يقارب 2 باكوات كبار
100 جرام سكر عادى
2 بيضات
1 حكة قشطة سادة
1 ليمونة
الطريقة :
اول حاجة بيكون عندنا الطاجين اللى ينفتح من الجنب نحط فيه ورق الزبدة
ندق البسكويت بطريقة من الاتنين يا اما نحطه فى كيس نايلو و ندقه
او نحطه فى الفود بروسيسر و نضيفله الزبدة
السائحة بعد ما ندقه و نعجبنه باهى مع اظافة شوية سكر و نفرده فى
الطاجين و نضغط عليه
ناخد صونية نحط فيها الجبنة و السكر و القشطة و بشر اليمونة او البرتقالة
و البيضتين و نضربهم لين يولو زى الكريمة
نصبهم فوق البسكويت و ندخله للكوشة على اقل درجة حرارة عندى فى
الكوشة و نخليه من 25 دقيقة اى نص ساعة لين نلقى البسكويت بدى يحمر
من الجناب
نطلع من الكوشة و نحطه فى الثلاجة و نزينه بشرائح الكيوى و لو نبى طبقة
تلمع فوقه نحط على النار عصير ليمونة كاملة مع 2 ملاعق كبار مربى
الكيوى و نخليها على النار و بعدين ندهن سطح الشرائح اليكوى بالخلطة
هادى
و ممكن انى نغير الكيوى باى نوع ثانى من الفاكهة يعنى ممكن انى نغيرها
بالفراولة لما يجى موسمها
و بالف صحة و عافية
الروابط المفضلة