حلوياتى السريعة اللي رح تنقذك
صباح الورد
احيانا بيجى عندك ناس فجأة ما بكون معك وقت تعملي حلو يا دوب اشي عالسريع, فا حتى تكونى ان شاء الله جاهزة اعملي مثلي
دائما بحضر البسكوت وبكون مغلفة كل 3 باكيتات بكيس تفريز وبالتلاجة مطحونين وجاهزين طبعا اكتر من كمية
وبغلي نستلة اكتر من علبة بطنجرة الضغط وبخليهم بخزانة المطبخ حتى تكون جاهزة لاى حالة طارئة . هلا رح اعطيكى طريقتين لحلو سريعين جدا ازا كنت محضرة البسكوت والنستلة
اول طبق ليمونية
بدك 3 باكتيات بسكوت مطحونين
اصبع زبدة
كاسة كريما سائلة
كوب صغير عصير ليمون
علبة نستلة بس مش مغلية
بنرص البسكوت والزبدة بعد خلطهم بالبايركس , بالخفاقة اليدوية او بالشوكة فقط بنحط علبة النستلة (مش مغلية عادية) وفوقها كاسة كريما سائلة ونحرك حتى يتجانسوا بعدين يضاف كوب الليمون بهالحظة بجمد الخليط بتصبي فوق البسكوت وبتبشرى قشرة ليمون وبالثلاجة حتى يوصلواضيوفك
الطبق الثانى (حلو التويكس)
3 علب بسكوت مطحونين
اصبع زبدة
علبة حليب نستلة مغلية
علبة قشطة
بنرص البسكوت والزبدة بعد خلطهم وبنغرد فوقه النستلة المغلية بتسير زى التوفي وقبل التقديم تفرد القشطة حتى ما تشقق ويزين بالهيرشي .
النستلة المغلية اللي ما بعرف كيف : بنحط مية لنص طنجرة الضغط ونحط العلب مغلقة وبنسكر الطنجرة بعد ما نشيل الورقة عنها نص ساعة وبعد ما نطلعهم لا تفتح مباشرةلازم تنترك حتى تسير فاترة
وازا مافي ضغط ممكن مية بطنجرة وبنحط العلب مغلقة لمدة ساعة ونص لساعتين وكل ما تنقص المية بنزيدها وتترك حتى تسير فاترة قبل فتحها لهيك بنصح بغلي عدة علب مرة واحدة ووضعها بالخزانة لحين حاجتها
الطبق الثالث مالح حلو
بتحتاجى كمية من البسكوت المالح السادة
4 كاسات حليب سائل
كوب سكر
علبتين قشطة
4 م ك نشا
يصف البسكوت طبقة
تخلط جميع المقادير الا القشطة ويوضع عالغاز حتى يغلوا بعد طفي الغاز تضاف القشطة ويحرك بالشبك ثم يوضع طبقة من الكريما ثم طبقة بسكوت مالح ثم كريما حتى تنتهى الكمية يزين بالهيرشي طعمها زى البوظة تانى يوم
سهلة وزاكية ممكن تضيف بنفس اليوم بس طعمها ازكى تانى يوم
وصحة وهنا
رد مع الاستدلال
كتبت بواسطة تغريد2007
ما شاء الله عليكي 
من طريقتك في تحضير الا غراض مسبقا
الروابط المفضلة