بسكويت الانكشير
( للعيد )المقادير :
1 كوب سمن 1 كوب سكر 3 - 4 بيضات ( حسب الرغبة )
31/2 كوب دقيق 1/2 ملعقة صغيرة فانيليا 1 ملعقة كبيرة بكنج بودر
للتزين :
مربى أو عسل نحل ( حسب الرغبة ) جوز هند أو شيكولاتة فارمسيل ( حسب الرغبة )
الطريقة :
- تخلطي السمن والسكر مع بعض وتضربيهم كويس لما يكونوا ذي الكريمة .
- تضربي البيض مع الفانيليا ، وبعدين تخلطيهم على السمن والسكر وتضربيهم كويس .
- تضيفي البكنج بودر على الدقيق .
- تبدأى تضيفي الدقيق حبة حبة لحد ما تصبح العجينة متوسطة الليونة ( ممكن ما تستخدميش الدقيق كله - كمان ممكن تجربي تعملي كرة صغيرة وتحطيها في الفرن بحيث تكون نفس الحجم أما اذا زاد الحجم تضيفي دقيق تاني )
- تدهني الصنية وبعدين تبدأى تعملي كرات ( صغيرة أو متوسطة أو كبيرة حسب الرغبة ) وترصي في الصنية .
- يكون الفرن متوسط الحرارة ( 350 درجة )
- تدخلي الصنية الفرن ولما البسكويت يكون ذهبي تطلعي الصنية .
- لما البسكويت يبرد تمسكي اثنين يكونو في نفس الحجم وتدهني وحدة منهم من تحت مربى أوعسل وتحطي التانية عليها وبعدين تمرريهم فوق الجوز الهند أو الشيكولاتة فارمسيل .وبالهنى والشفى
الروابط المفضلة