حلى ام آمن ميني كاك الجوز والشكلاطة (روعة جربيها وشوفي الحلاوة)
هذه الكيكه لام آمن انا نزلتها بالنيابه فقط
وهذي الصورة
وهذي الطريقة:
1- العجينة:
125 غ دقيق
125 زبدة طرية
125 غ سكر
1 بيضة
50 غ جوز محمس ومبشور ناعم
ملعقة صغيرة خميرة BP
ملعقة فانيليا
نحط الفرن يسخن (حرارة متوسطة) وناخذ قوالب صغيرة أو caissettes en papier وندهنا بشوية زبدة أو زيت.
في ماعون ندعك الزبدة حتى تصير لينة ونضيف السكر والفانيليا ونركض بالخلاط إلى أن تصبح مثل الكريمة ثم نضيف البيضة ونركض ثم نضيف الدقيق مع الخميرة BP وأخيرا الجوز مبشور ونخلط مليح بالملعقة.
ناخذ ها الخليط ونحطو في caissettes en papier مثل في الصورة أو في قوالب صغيرة تكون مدهونة. ثم ندخل للفرن مدة تقريبا 15 دقيقة حتى تطيب. ثم نتركها تبرد خارج الفرن.
2- حشوة القاناش بالشكلاطة:
100 غ شكلاطة سوداء + علبة قشطة crème fraiche
نحطهم في ماعون فوق النار ونحرك لين تذوب الشكلاطة ويصير عنا كريمة- خليها تبرد
3- كارامال الجوز:
ناخذ 50 غ جوز قطع + 50 غ سكر دقيق (sucre glace)
نحطهم في مقلاة تيفال ونقليهم فوق النار أولا بدون تحريك ولما نشوف السكر صار بني نحرك بالملعقة الخشبية حتى يولي caramélisé , عندها نخرج ونحطو يبرد وبعدين نكسرو أنصاف
أخيرا الزينة:
ناخذو الميني كاك ونزينو بملعقة كريمة الشكلاطة (ممكن استعمال آلة تزيين الحلويات أنا هن كانو عندي ضيوف وعملتها بسرعة 30 دقيقة قبل ما يوصلو وكانت حضرت وهبلو عليها)
ثم نحط قطعة أو 2 كارامال الجوز
ملاحظة أخرى هنا استعملت أكياس كبار شوية على الكيكات لأنو يومها ما كان عندي غيرهم وكذلك ما استعملت كيس التزيين لكريمة الشكلاطة لكن كنت ما عندي وقت كثير لتحضيرها
رد مع الاستدلال
الروابط المفضلة