اللي ماتبغى تتعلم كيف تسوي الكراميل بطريقتين ماتدخل
شفت كل الناس يطلبو منكم انكم تدخلو قلت أغير بس لا تصدقو (خلينا في المهم)
الكراميل مين مايحبه وهو مع شوكيلت زي اسنيكرز ولا مارس ولا جلكسي
(عارفة اني طولت عليكم وانكم عصبتو)
الطريقة الاولى
تجيبي علبة حليب مكثف محلى وتحطيها بالطول داخل قدر فيه موية بتغلي وتسيبيه ساعتين يغلي وطبعا العلبة تكون مقفولة وكل ما تنقص الموية تزوديها وبعد ساعتين من الغليان تخرجيها وتفتحيها وتلاقي الحليب(بقدرة قادر) صار كراميل أحلى من الجاهز ومضمون لانك سويتيه في البيت
الطريقة الثانية
هي طريقة قديمة شوي يعني تذوبي كاسة سكر في قدر لمن يصير السكر ذهبي وتحطي عليه علبة قشطة وشوية زبدة والزبدة اختياري
ان شاء الله أكون أفدتكم ولا كيف؟؟؟؟؟؟؟؟؟؟؟؟؟؟؟؟؟؟
رد مع الاستدلال
الروابط المفضلة