الست الشيفه وصلـــت يا قدعــــااااان
تفضلواسيدتي هل انتي معزومه هل انتي بتسيرين على احد اليوم هل ودتس تصليحين معتس حلا للي بتروحين لهم؟ سيدي هل بتودي اختك للسوق وتدرو شي تطلبه من اختك ثمن للروحه ؟ آنستي هل تريدين ان تسدحين اخواتك امام هذا الحلاء وتسوين فيها سنعه ؟
اذن فهنا الحل
الحلىىى شغل اديا وحياة عنيا بس لامانع من المساعدات الامهاتيه
ندخل في الموضوع << يعني ترى اللي تو كله مقدمه المقادير :(1)1/ سمبوسه سويتز
علبه جبن كيري ( للحشو)
3/ ملاعق دقيق ويخلط معه مويه ( عجينه تقفيل السمبوسه):::::::::(2)3/ ملاعق قرفه مطحونه
4/ ملاعق سكر مطحون
2/ ملعقه كاكاو بودره <<
1/ ملعقه صغيره نسكافيه :::::::::(3)1/ علبه حليب نستله
3/ حبات جبن كيري ::::::::(4)شوكلاته هيرشي << للزينه فقط لا غير
وقليل من النسكافييييه << بعد للزينه فقط لا غير
الطريقه :شفتوا اللي مكتوب عليه رقم واحد
جيبوها .. جيبوا سمبوسه وحده واقسموها نصين بالعرض
وادهنوها بقطعه صغيره كيري لا تكثرين من الكيري ترى مايصير حلو وبعدين اصفطوا بدايتها صفطه صغيره وحطوا فوق الصفطه شوي من عجينه الدقيق
عشان تمسكها ما تنفتح وبعيد اصفطوا الباقي عليها وبتصير كذا شكلها ( اللي مافهمت تعلمني اشرح لها لاني احس اني خبصت فيها )
بعد ما تخلصين عزيزتي من لف السمبوسه سيتكسر ظهرك وستقعدين ساعه تتمغطين
ويمكن يتأزم الوضع وتجمعين عيالتس او اخوانتس يسوون لتس مساج وتهميز لظهرتس ورجولتس
بعد التهميز انقزي واقلي السمبوسات
خليها شقرااا انتبهي شقراااا موب عبدااااا
بعدين امسكي الخلطه رقم ثنين
واخلطيها مع بعض وتوصي بالخلط
بعدين جيبي السمبوسات وغططيها في هالخلطه
بعدين هاتوا الصينيه اللي تنفتح مع تحت وصفوا السمبوسات فيها كذا
بعدين تصير تسذاتحت اقين
وبعد ما تصفينها كلها تصير تسذا ناظري تحت ايضن
اللحين وصلنا لرقم ثلاثه
حطي النستله و الكيريات في الخلاط لين تقول ربي الله
بعدين صبيها فوق السمبوسات اللي صفيتيها في الصينيه وتكسرت يديتس في لفها <<< جعلتس في الجنه وبرضه ناظري تحت
بعدين حطيها في الفرن ولا تخلينا تطول بس تتماسك
الفرن شبيه بس من فوق
بعد ماتطلع من الفرن تصير تسذا ناظري تحت
دخليها الفريزر بعد ماتطلع من الفرن
خليها في الفريزر يجي عشرا دقايز لا تخيلنها تموت من البرد مسكينه
بعدين خططي عليها بالهيرشي ورشي القليل من النسكافيه ولا تنسين تشيلين الحديده حقت الصينيهتبين تشوفين النهايهطيب ناظري تحت
وصحتين وعافيه
وفكرة للتجميل بعد ماتفكينها من الصينية جيبي شريطة ذهبية واربطيها واعملي فيونكة او اي لون
لكن للاسف ماصورتها مع الشريطة
الروابط المفضلة