بسم الله الرحمن الرحيمهذه بعض الحلويات الي عملتها وان شاء الله تعجبكم وتعطوني رايكم فيها
اول حاجه ابدى بفطيره المربى وهذه بعد لف والدوران حصلت طريقتها بصرااااااااحه حلوه وايد ومناسبه لافطار الصباحاولا* فطيره المربى*هذه صوره مبدئيه
المقادير:
2 كأس طحين
3 م ط حليب بودر
1 م ط بيكنج بودر
3 بيضات
1 كأس سكر
زبده حجم 200 جرام
شويه فانيلا
مربى فواكه
الطريقه:
1 - نخلط الحليب والبيكنج بودر مع الطحين
2 - في الخلاط الكهربائي نخلط البيض والسكر والزبده والفانيلا
3 - نحط الخليط رقم 1 مع الخليط رقم 2 ونقوم بعجنه الي ان يتجانس ثم نفردها في صينيه ونحط عليها المربى نحط كميه كبيره وندخله الفرن ونكون حاطين شوي من العجينه اكبر من حجم البيضه وندخلها الفريز بعد ما تجهز الفطيره نطلع العجينه الي حطينها بالفريز ونشكلها على شكل خطوط ونحطها بالفطيره على شكل متقاطع مثل الي ظاهر بالصوره
اهنيه انكون مطفين النار من تحت ونشغلها من فوق على نار خفيفه واول ما تحمر نطلعها وبالعافيه
وهذه بعد التقطيع
ثانيا* البسبوسه*
وهذه الصوره والي تبي الطريقه انا مستعده
وهذه بعد التقطيع والله انها حلوه وماينشبع منه
ثالثا* الكيكه*
هذه الكيكه خبصت بالمكونات جبت من الشرق والغرب ومادري اذا هالفكره طرت على احد
وايضا الصوره
المقادير:
كأس ونصف طحين
3 بيضات
2 م ط بيكنج بودر
رشه فانليا
نصف كأس زيت
كأس سكر
نصف كأس نارجيل
نصف كأس جوز مجروش
علبه حليب ( انا استخدم حليب ابو قوس العلبه الصغيره )
الطريقه :
في الخلاط الكهربائي نخلط البيض مع الفانبلبا ثم السكر تم الزيت والحليب
في وعاء نخلط الطحين والبيكنج بودر والنارجيل والجوز
نضيف الخليط الي الطحين ونخلط الى ان يتجانس الخليط ولا نطيل في الخلط منشان ما يدخل الهواء ثم ندخله الفرن وطبعا نكون محمين الفرن من قبل
وطبعا في النهايه زينتها بالتوفي والجوز المجروش
وهذه بعد ما قطعتها طلع طعم الجوز فيها روعه امدح من الصبح هههههههه
وبصحه والعافيه لا تنسوا تعطوني رايكم واذا ما عجبتكم لا تحرموني من دعائكم
والحمد لله رب العالمين
رد مع الاستدلال
كتبت بواسطة ام ليانة
الروابط المفضلة